Memleket basşısı Qarağandı oblısı Şahan kentinde köp päterli üydiñ kireberisi qwlap, adam şığınına äkep soqtırğanı turalı habardı zor küyzelispen qabıldadı dep habarlaydı Aqordanıñ resmi saytı.

Nwrswltan Nazarbaev qaza bolğandardıñ tuıstarı men jaqındarına köñil aytıp, zardap şekkenderdiñ tezirek sauığıp ketuine tilektestik bildirdi.

Qazaqstan Prezidenti Qarağandı oblısınıñ äkimine, sonday-aq uäkiletti memlekettik organdarğa zardap şekken twrğındardıñ bärine jan-jaqtı kömek körsetu üşin tiisti şaralar qabıldap, tötenşe oqiğanıñ sebebin anıqtau jöninde tapsırma berdi.

Eske sala ketsek, jaña jıldıñ alğaşqı küni, yağni 1 qañtar sağat 22.40-ta Qarağandı oblısı Tötenşe jağdaylar departamentinniñ qwtqaru bölimşelerine Qarağandı oblısı Şahtinsk qalasınıñ Şahan auılında köp qabattı üydiñ bir böliginiñ qwlağanı turalı aqparat kelip tüsken edi.

Oqiğa ornına Tötenşe jağdaylar departamentiniñ küşteri men tehnikaları jiberildi.

Qwtqaruşılar 10 adamdı evakuaciyalap, 4 adamdı qwtqardı. Sonday-aq, üyindiler arasınan 9 adamnıñ mäyiti tabıldı. Onıñ işinde üş er adam, üş əyel adam, üş bala, olardıñ ekeui 2016 jılı jəne 2010 jılı tuğan. Sonday-aq tiri qalğan 32 jastağı er adam şıqqan.

Qazir Oblıs äkimdigi men tiisti organdar apattıñ sebebi men şığının anıqtauda. Zardap şekkenderge kömek qarajat beriletin boldı. Sonday-aq, osı qayğılı oqiğağa baylanıstı qılmıstıq is qozğaldı.

"The Qazaq Times"