Franciyada ötken Prezident saylauı nätijesinde kandidat-centrist Emmanuel' Makron 66,06% dauıspen jeñiske jetti. Al onıñ qarsılası Marin Le Pen bar bolğanı 33,94% dauısqa ie boldı. 

VVS aqparat agenttiginiñ habarlauınşa, saylau dauısın sanau nätijesinde bos jäne bülingen, saylauşılardıñ tañdauı jazılmağan byulletender köp bolğan.

Osılayşa 39 jastağı Makron älemdegi eñ jas Prezident atandı jäne memlekettiñ İşki ister ministrligi Makronnıñ jeñimpaz ekenin resmi türde mälimdedi.

Makronnıñ ştabı dauıstardı sanau ayaqtalmay jatıp jeñisti atap ötudi bastap ketken. Kandidat Angela Merkel', Tereza Mey, Donal'd Tramptıñ jäne Kanada prem'eri Djastin Tryudonıñ qwttıqtauın qabıl aldı.

Al Kreml' äzirge Franciyanıñ jaña Prezidentine qwttıqtau jolday qoyğan joq. Sebebi saylau ötpes bwrın, 24 säuirde Resey Prezidenti Vladimir Putin Makronnıñ qarsılası  Marin Le Penmen kezdesken bolatın.

“The Qazaq Times”