فرانتسيادا وتكەن پرەزيدەنت سايلاۋى ناتيجەسىندە كانديدات-تسەنتريست ەممانۋەل ماكرون 66,06% داۋىسپەن جەڭىسكە جەتتى. ال ونىڭ قارسىلاسى مارين لە پەن بار بولعانى 33,94% داۋىسقا يە بولدى. 

ۆۆس اقپارات اگەنتتىگىنىڭ حابارلاۋىنشا، سايلاۋ داۋىسىن ساناۋ ناتيجەسىندە بوس جانە بۇلىنگەن، سايلاۋشىلاردىڭ تاڭداۋى جازىلماعان بيۋللەتەندەر كوپ بولعان.

وسىلايشا 39 جاستاعى ماكرون الەمدەگى ەڭ جاس پرەزيدەنت اتاندى جانە مەملەكەتتىڭ ىشكى ىستەر مينيسترلىگى ماكروننىڭ جەڭىمپاز ەكەنىن رەسمي تۇردە مالىمدەدى.

ماكروننىڭ شتابى داۋىستاردى ساناۋ اياقتالماي جاتىپ جەڭىستى اتاپ ءوتۋدى باستاپ كەتكەن. كانديدات انگەلا مەركەل، تەرەزا مەي، دونالد ترامپتىڭ جانە كانادا پرەمەرى دجاستين تريۋدونىڭ قۇتتىقتاۋىن قابىل الدى.

ال كرەمل ازىرگە فرانتسيانىڭ جاڭا پرەزيدەنتىنە قۇتتىقتاۋ جولداي قويعان جوق. سەبەبى سايلاۋ وتپەس بۇرىن، 24 ساۋىردە رەسەي پرەزيدەنتى ۆلاديمير پۋتين ماكروننىڭ قارسىلاسى  مارين لە پەنمەن كەزدەسكەن بولاتىن.

“The Qazaq Times”