QR Sırtqı ister ministrligi ğimaratı, Astana. Foto: mfa.kz

Qazaqstan Respublikası Sırtqı ister ministrliginiñ Siriyada atıstı doğaru jönindegi uağdalastıqtar turalı Mälimdemesi jariyalandı dep habarlaydı «The Qazaq Times» vedomstvonıñ saytına silteme jasay otırıp.

Mälimdemede, Sırtqı ister ministrliginiñ Siriya Arab Respublikasınıñ barlıq aumağındağı atıstı doğaru jäne ükimet pen qarulı oppoziciyanıñ Resey Federaciyası men Türkiya Respublikası kepilgerler bolıp şığatın beybit kelissözderdi bastauğa äzirligi turalı uağdalastıqtardı qwptaytını jaylı aytılğan.

Sonday-aq, «Siriya ükimeti men qarulı oppoziciya arasındağı atıstı doğaru turalı», «Atıstı doğaru rejimine baqılau jönindegi şaralar keşeni turalı», «Siriyalıq retteu jönindegi beybit kelissözderdi bastauğa äzirlik turalı» üş qwjatqa qol qoyıluı siriyalıq dağdarıstı şeşu jönindegi is jüzindegi äreketter üşin şınayı negiz boluğa qabiletti dep sanaymız.

Jospardı Birikken Wlttar Wyımı jäne Arab Memleketteri Ligasınıñ arnayı ökili Staffan de Mistura men Siriyada wrıs äreketteriniñ tezirek doğarıluına müddeli basqa taraptar qoldağanı mañızdı.

Osığan baylanıstı tiisti kelissözderdi Astanada ötkizuge Qazaqstan Prezidenti Nwrswltan Nazarbaevtıñ jariya etken äzirligimizdi rastaymız. Kelissözderdi ötkizu tek atıstı doğaru rejimin josparlı türde saqtau jağdayında ğana mümkin bolatının tüsinemiz.

Soñğı uağdalastıqtardıñ Siriyadağı tolıqqandı sayasi üderisti BWW Qauipsizdik Keñesiniñ 2254 (2015) qararına säykes qayta jañğırtuğa mümkindik beretinine senemiz.

Qazaqstan äri qaray da halıqaralıq qauımdastıqtıñ tiisti küş-jigerlerine, sonıñ işinde 2017 jıldıñ 1 qañtarınan 2018 jıldıñ 31 jeltoqsanı aralığında BWW Qauipsizdik Keñesiniñ twraqtı emes müşesi retinde ıqpal etuge äzir» delingen.

 

Astana, 30 jeltoqsan 2016 jıl