2017 جىلدىڭ قاڭتار-قازان ايىندا قازاقستاندا بولشەك ساۋدا اينالىمى 7 ترلن تەڭگە بولعان. ال بۇل 2016 جىلعى كەزەڭمەن سالىستىرعاندا 6,3%-عا جوعارى بولىپ وتىر.
ستاتيستيكا كوميتەتىنىڭ مالىمەتىنشە، جالپى بولشەك ساۋدادادا ساتىلعان ازىق-تۇلىك تاۋارلارىنىڭ ۇلەسى 36,8%-دى قۇراعان نەمەسە قازاقستاندىقتار ازىق تۇلىك ساتىپ الۋعا 2,6 ترلن تەڭگە شاماسىندا قارجى جۇمساعان. ال ازىق-تۇلىك ەمەس تاۋارلاردىكى 63,2% بولعان (4,4 ترلن تەڭگە شاماسىندا).
ازىق-تۇلىك تاۋارلارىنىڭ ساتىلىمى 2016 جىلدىڭ قاڭتار-قازان ايىمەن سالىستىرعاندا 8,6%-عا، ازىق-تۇلىك ەمەس تاۋارلاردىكى 4,8%-عا كوبەيگەن.
سونداي-اق قازاقستاندىقتار تاۋارلاردى ءىرى ساۋدا كاسىپورىندارىنان ساتىپ الىپ، 3,9 ترلن تەڭگە (55,5%) جۇمساسا، قالاداعى بازارلارعا جانە ءۇي جانىنداعى دۇكەندەرگە 3,1 ترلن تەڭگە جۇمسالعان.
ال كوتەرمە ساۋدا جىل باسىنان بەرى 15,3 ترلن تەڭگەنى قۇرادى، بۇل 2016 جىلعى كەزەڭمەن سالىستىرعاندا 1,7%-عا ارتىق.
ايتا كەتەيىك، قازاقستاندا ازىق-تۇلىككە جۇمسالاتىن قاراجات كولەمى نيگەريا جانە كامەرۋن سياقتى ەلدەردىكىمەن دەڭگەيلەس. ال بۇل دەگەنىمىز مەملەكەتتەگى حالىق ەكونوميكاسىنىڭ ناشار ەكەنىن كورسەتەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى