Foto: fakty.ictv.ua

2017 jıldıñ qañtar-qazan ayında Qazaqstanda bölşek sauda aynalımı 7 trln teñge bolğan. Al bwl 2016 jılğı kezeñmen salıstırğanda 6,3%-ğa joğarı bolıp otır.

Statistika komitetiniñ mälimetinşe, jalpı bölşek saudadada satılğan azıq-tülik tauarlarınıñ ülesi 36,8%-dı qwrağan nemese qazaqstandıqtar azıq tülik satıp aluğa 2,6 trln teñge şamasında qarjı jwmsağan. Al azıq-tülik emes tauarlardiki 63,2% bolğan (4,4 trln teñge şamasında).

Azıq-tülik tauarlarınıñ satılımı 2016 jıldıñ qañtar-qazan ayımen salıstırğanda 8,6%-ğa, azıq-tülik emes tauarlardiki 4,8%-ğa köbeygen.

Sonday-aq qazaqstandıqtar tauarlardı iri sauda käsiporındarınan satıp alıp, 3,9 trln teñge (55,5%) jwmsasa, qaladağı bazarlarğa jäne üy janındağı dükenderge 3,1 trln teñge jwmsalğan.

Al köterme sauda jıl basınan beri 15,3 trln teñgeni qwradı, bwl 2016 jılğı kezeñmen salıstırğanda 1,7%-ğa artıq.

Ayta keteyik, Qazaqstanda azıq-tülikke jwmsalatın qarajat kölemi Nigeriya jäne Kamerun siyaqtı elderdikimen deñgeyles. Al bwl degenimiz memlekettegi halıq ekonomikasınıñ naşar ekenin körsetedi.

“The Qazaq Times”