Bügin älemde COVID-19 qwrbandarınıñ jalpı sanı 1 millionnan astı. Reuters agenttiginiñ dereginşe, pandemiya älemdik ekonomikanı dağdarısqa wşıratıp, densaulıq saqtau jüyesin bwzğan jäne adamdardıñ ömir süru saltın özgertken auır kezeñ.

Osı jılı ölim-jitim mölşeri ädettegi ortaşa eseppen salıstırğanda alde qayda köp, oğan bastı sebep koronavirus ekeni belgili. Keyingi birneşe aptada köptegen elde koronavirus infekciyası kürt köbeygendikten, ölim-jitim körsetkişi de ösken.

BWW Bas hatşısı Antonio Guterriş: «Bizdiñ älem azap şegetin kezeñge tap boldı» - dedi

COVID-19 qwrbandarınıñ qatarı üş ayda tağı jartı millionğa arttı. Bwl koronavirus indetiniñ qauipi men zardabınıñ qanşalıqtı auır ekenin körsetedi.

Osı aydağı Reuters agenttiginiñ statistikasına saykes, (jerleu räsimderi men zirattar) orta eseppen är täulik sayın älemde 5400-den astam adam qaytıs bolıp jatır. Bwl sağatına 226 adamğa nemese 16 sekund sayın bir adamğa teñ. Salıstırmalı türde 90 minut futbol matçın tamaşalau uaqıtında 340 adam köz jwmadı.

"The Qazaq Times"