پۋتين بايدەندى ديالوگقا شاقىردى

اۆس تەلەارناسىنداعى سۇحباتتان كەيىن پۋتين بايدەندى ديالوگقا شاقىردى. بىراق اق ءۇي بۇل ۇسىنىستى ءالى قابىلداعان جوق.

اق ءۇيدىڭ ءباسپاسوز حاتشىسى دجەن پساكي: «ەكى پرەزيدەنتتەرى بۇعان دەيىن كەلىسسوزدەر جۇرگىزدى دەسەك تە بولادى. دجو بايدەننىڭ باسقا دا ماڭىزدى كەزدەسۋلەرى بار. ارينە، ءبىز بارلىق تاراپقا بىردەي كوزقاراس ۇستانامىز. بىراق ۆلاديمير پۋتينمەن جاقىن ارادا دايلوگ جۇرگىزىلەدى دەپ ايتا المايمىن»، – دەدى.

وسى اپتادا امەريكالىق اۆس تەلەارناسىنا سۇحبات بەرگەن دجو بايدەن «ءسىز ءپۋتيندى قانىشەر دەپ ەسەپتەيسىز بە؟» دەگەن سۇراققا «ءيا!» دەپ جاۋاپ بەردى. سۇحباتتا ماسكەۋدىڭ 2020 جىلى اقش-تاعى پرەزيدەنت سايلاۋىنا ارالاسقانى جايلى بايانداعان امەريكالىق بارلاۋ قىزمەتىنىڭ ەسەبى ءسوز بولعان. بايدەن ەگەر رەسەيدىڭ سايلاۋعا ارالاسقانى راستالسا، ونىڭ ارتى جاقسىلىققا اپارمايدى دەپ پۋتينگە ەسكەرتۋ جاسادى. اتالعان سۇحباتتان كەيىن رەسەي ۋاشينگتونداعى ەلشىسىن ماسكەۋگە قايتاردى.

ال كەشە مەملەكەتتىك «روسسيا-24» تەلەارناسى جۇرگىزگەن ترانسلياتسيادا پۋتين بايدەننىڭ مالىمدەمەسىنە بايلانىستى ءاربىر ادام وزگە ادامنان ءوز بەينەسىن كورەدى دەپ ايتقان. «امەريكالىق ارىپتەسىمنىڭ مالىمدەمەسىنە كەلسەك، ول ايتقانداي ءبىزدىڭ شىنىمەن دە جەكە تانىستىعىمىز بار. وعان ەندى نە دەيىن؟ مەن وعان «دەنىڭىز ساۋ بولسىن» دەپ ايتار ەدىم. بالا كەزدە اۋلادا ءبىر-بىرىمىزبەن داۋلاسىپ قالعان كەزدە ايتۋشى ەدىك: «كىم بىرەۋدى جامان اتپەن اتاسا، ءوزى سول اتقا لايىق». جانە بۇل ءجاي بالالار اۋزىنداعى ماتەل نەمەسە قالجىڭ ەمەس»، – دەدى.

پۋتين، سونداي-اق اقش-تى وتارلاۋ مەن ەكىنشى دۇنيەجۇزىلىك سوعىس كەزىندەگى جاپونيانى بومبالاۋ، اقش-تاعى الەۋمەتتىك ماسەلەلەر، ونىڭ ىشىندە Black Lives Matter قوزعالىسى توڭىرەگىندەگى ماسەلەلەردى اتاپ وتكەن.

"The Qazaq Times"