ومىربەك بابانوۆ تەرگەۋگە الىندى

قىرعىزستان پارلامەنتىنىڭ ەكس-دەپۋتاتى ومىربەك بابانوۆ 19 تامىزدا كەشكىسىن ەكونوميكالىق قىلمىسقا قارسى كۇرەس (قارجى پوليتسياسى) قىزمەتى تارابىنان سۇراۋعا الىنعان.

ول جۋرناليستەرگە "قىرعىزستان" بانكىنە قاتىستى ءوزىن تەرگەۋگە العانىن جەتكىزدى. بىراق تەرگەۋ قۇپيالىعىنا قاتىستى، جۋرناليستەر سۇراعىنا اشىق جاۋاپ بەرمەدى.

ول سونىمەن بىرگە 20 تامىزدا ۇلتتىق قاۋىپسىزدىك مەملەكەتتىك كوميتەتى تاراپىنان تەرگەۋگە شاقىرىلعان.

"رەسپۋبليكا" پارتياسىنىڭ ليدەرى ومىربەك بابانوۆ 9 تامىزدا ماسكەۋدەن بىشكەككە ورالدى. ماناس اۋەجايىندا ونى جۇزدەگەن جاقتاستارى كۇتىپ الدى. ەلدىڭ ارنايى قىزمەتى ساياساتكەرگە قاتىستى ەكى بىردەي قىلمىستىق ءىس قوزعالعانىن، بىشكەككە ورالعان جاعدايدا جاۋاپقا تارتىلاتىنىن مالىمدەگەن.

ومىربەك بابانوۆ 2017 جىلى سايلاۋعا قاتىسىپ، قازىرگى پرەزيدەنت سوورونباي جەەنبەكوۆتەن جەڭىلگەن. سايلاۋ ناۋقانى كەزىندە سول كەزدەگى مەملەكەت باسشىسى المازبەك اتامباەۆ ونى قازاقستان پرەزيدەنتى نۇرسۇلتان نازارباەۆپەن كەزدەسكەنى ءۇشىن «كورشى ەلدىڭ قۇيىرشىعى» دەپ اتاپ، اقوردانى «ءبىزدىڭ ىشكى ىسىمىزگە ارالاستى» دەپ ايىپتاعان. سايلاۋدان كەيىن بابانوۆ ساياسي مانسابىن اياقتايتىنىن ايتىپ، ەلدەن كەتكەن. وسى ۋاقىتقا دەيىن ول ماسكەۋ قالاسىندا بولعان.

ومىربەك بابانوۆ - قىرعىزستانداعى "قىرعىزستان" بانكىنىڭ قوجايىنى.

"The Qazaq Times"