قىرعىزستان ەكس-پرەزيدەنتى المازبەك اتامباەۆ قاماۋعا الىندى.

جەرگىلىكتى باق وكىلدەرىنىڭ مالىمەتىنشە، المازبەك اتامباەۆقا جەمقورلىق بابى بويىنشا ايىپ تاعىلىپ، قاماۋعا الىنعان. ەكس-پرەزيدەنتتىڭ ادۆوكاتى سەرگەي سلەسارەۆتىڭ سوزىنشە، ءىىم اتامباەۆقا قىلمىس الەمىندە تانىمال ازيز باتۋكاەۆتى زاڭسىز بوساتۋ ءىسى بويىنشا ايىپ تاققان.

«بۇل نەگىزسىز ايىپ. ونى ءتىپتى تەرگەگەن دە جوق. وعان بىردەن تەرگەۋگە الىنعاندىعى جونىندە ەسكەرتۋ تاپسىردى. بۇل زاڭسىز، سەبەبى المازبەك اتامباەۆتىڭ ەكس-پرەزيدەنت رەتىندە تيىسپەۋشىلىك مارتەبەسى بار» - دەدى سلەسارەۆ.

تامىز ايىنىڭ 8-ءى كۇنى ارنايى قىزمەت ساربازدارى المازبەك اتامباەۆتى قوي-تاشتاعى ۇيىندە ۇستاعان. وسىدان ءبىر كۇن بۇرىن بولعان وپەراتسيا كەزىندە 1 سارباز كوز جۇمىپ، 45 بەيبىت تۇرعان جاراقات العان.

"The Qazaq Times"