قىرعىزستان پرەزيدەنتى سوورونباي جەەنبەكوۆ المازبەك اتامباەۆقا قاتىستى مالىمدەمە جاسادى.

تامىز ايىنىڭ 8-ءى كۇنى قاۋىپسىزدىك كەڭەسىنىڭ وتىرىسىندا سوورونباي جەەنبەكوۆ  اتامباەۆتىڭ ۇيىندە بولعان وقيعاعا بايلانىستى پىكىر ءبىلدىردى.

«المازبەك اتامباەۆ زاڭدى تەرگەۋ جۇمىستارىنا قارۋلى قاقتىعىس كورسەتۋ ارقىلى كونستيتۋتسيا مەن زاڭدى تابانىنا تاپتادى. قىرعىزستان قۇقىقتىق مەملەكەت. بيلىكتىڭ باستى مىندەتى ءار ازاماتتىڭ زاڭدى ورىنداۋىن قامتاماسىز ەتۋ» - دەدى جەەنبەكوۆ.

بۇدان بولەك جەەنبەكوۆ قاۋىپسىزدىك كەڭەسىنىڭ مۇشەلەرىنە ەلدە بەيبىتشىلىك پەن تۇراقتىلىقتى ساقتاۋ قاجەتتىگىن ايتىپ، ارنايى تاپسىرما بەردى. وتىرىس بارىسىندا ۇقك باسشىسى وروزبەك وپۋمباەۆ، ءىىم كاشكار جۋنۋشاليەۆ جانە باس پروكۋرور وتكۋربەك جامشيتوۆ قوي تاشتا بولعان وقيعاعا بايلانىستى بايانداما جاسادى.

تامىز ايىنىڭ 7-ءى كۇنى المازبەك اتامباەۆتىڭ قوي تاشتاعى ۇيىنە ارنايى جاساق ساربازدارى باسىپ كىرىپ، ەكس-پرەزيدەنتى ۇستاماق بولعان. وپەراتسيا بارىسىندا 1 سارباز كوز جۇمىپ، 45 بەيبىت تۇرعىن جارالانعان.

"The Qazaq Times"