قىرعىزستاننىڭ ەكس-پرەزيدەنتى المازبەك اتامباەۆقا تيىسپەۋ قۇقىعىن الىپ تاستاۋدى قولداپ، جوگوركۋ كەڭەشتىڭ 60 دەپۋتاتى قول قويدى. بۇل جونىندە پارلامەنت دەپۋتاتى كاناتبەك يساەۆ مالىمدەدى.
ونىڭ سوزىنشە، ەندى ءارى قاراي ارنايى كوميسسيا بۇل ماسەلەنى قاراپ، پارلامەنتتىڭ جالپى تالقىسىنا شىعارۋ كەرەك.
«كوميسسيا ءبىزدىڭ ايىپتاۋىمىزدىڭ جالعان، راسىن تەكسەرەدى. ەگەر راس بولسا، پارلامەنتتىڭ جالپى وتىرىسىنا شىعارادى. سوسىن پارلامەنت ونى باس پروكۋراتۋراعا جىبەرەدى. ەگەر اتامباەۆقا تيىسپەۋشىلىك قۇقىعىن الىپ تاستاۋدى دەپۋتاتتاردىڭ ۇشتەن ەكىسى – 80 دەپۋتات قولداسا، دەمەك اتامباەۆ وزىنە قارسى قول سۇعىلماۋ قۇقىعىنان ايىرىلادى»، - دەيدى يساەۆ.
المازبەك اتامباەۆ 2011- 2017 جىلدارى ارالىعىندا قىرعىزستان پرەزيدەنتى بولدى. 8 ماۋسىمدا ول كوررۋپتسياعا قارسى ميتينگكە قاتىسىپ، قازىرگى بيلىكتى قاتال سىنعا الدى.
12 ماۋسىمدا بىرقاتار دەپۋتاتتار المازبەك اتامباەۆتى سول ءۇشىن سىنعا الىپ، تيىسپەۋشىلىك قۇقىعىن الىپ تاستاۋ كەرەكتىگىن كوتەردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى