پرەزيدەنتتىككە ۇمىتكەر ۆلاديمير زەلەنسكي ۋكراينانىڭ قازىرگى باسشىسى پەتر پوروشەنكونىڭ ۇسىنىسىن قابىلدامادى.
ءساۋىر ايىنىڭ 8-ءى كۇنى ۆلاديمير زەلەنسكي ءوزىنىڭ Facebook پاراقشاسىنا ۆيدەو ۇندەۋ جاريالادى. وندا ول پەتر پوروشەنكومەن بولاتىن تەلەدەباتتىڭ 19-شى ءساۋىر كۇنى كيەۆ قالاسىنداعى «وليمپيسكي» ستاديونىندا وتەتىندىگىن ايتتى. بۇعان دەيىن پوروشەنكو زەلەنسكيگە تەلەدەباتتى ءساۋىر ايىنىڭ 14-ءى كۇنى وتكىزۋدى ۇسىنعان.
بۇدان بولەك زەلەنسكي ءوز جاقتاستارىنان پوروشەنكوعا قوياتىن سۇراقتاردى دايىنداۋعا كومەك سۇرادى.
«ۋكراينا حالقىنىڭ سوڭعى 5 جىلدا پوروشەنكوعا قويا الماي كەتكەن سۇراقتارى بار دەپ ويلايمىن. مەن سىزدەردىڭ اتتارىڭىزدان سول سۇراقتاردى قويۋعا دايىنمىن. سول سەبەپتى سىزدەردى تولعاندىراتىن سۇراقتاردى (Facebook پاراقشاما-رەد) پىكىر رەتىندە قالدىرۋلارىڭىزدا سۇرايمىن» - دەدى زەلەنسكي.
ەستەرىڭىزگە سالايىق، ۋكراينادا پرەزيدەنت سايلاۋىنىڭ ءبىرىنشى تۋرى ناۋرىز ايىنىڭ 31-ءى كۇنى وتكەن. وندا سايلاۋ قورىتىندىسى بويىنشا، ۆلاديمير زەلەنسكي 30,22%، پەتر پوروشەنكو 15,93% داۋىس جيناپ، ەكىنشى تۋرعا وتكەن. سايلاۋدىڭ ەكىنشى تۋرى ءساۋىر ايىنىڭ 21-ءى كۇنى وتەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى