لۋكاشەنكو رەسەيمەن وداق قۇرۋعا دايىن ەكەندىگىن مالىمدەدى

بەلارۋس پرەزيدەنتى الەكساندر لۋكاشەنكو رەسەيدىڭ "وداق قۇرۋ" ۇسىنىسىن قاراۋعا دايىن ەكەندىگىن مالىمدەدى.

بەلارۋس تەدەگراف اگەنتتىگىنىڭ مالىمەتىنشە، ناۋرىز ايىنىڭ 5-ءى كۇنى الەكساندر لۋكاشەنكو ەۋروپالىق ۇيىمدارمەن ارىپتەستىك ورناتۋ جانە ىنتىماقتاستىق فورۋمىندا رەسەيمەن وداق قۇرۋعا بايلانىستى مالىمدەمە جاساعان.

«بەلارۋس (رەسەيمەن – رەد) وداق قۇرۋ باستاماسىن قولدايدى. بۇنى ءبىرىنشى كەزەكتە ءبىزدىڭ رەسەي فەدەراتسياسىنداعى جاقتاستارىمىز بەن قارسىلاستارىمىز ەستىسە ەكەن دەيمىن. دەسە دە، اتالمىش وداقتىڭ باستى ۇستانىمى ءبىزدىڭ ازاماتتارىمىز بەن كاسىپورىندارىمىزدىڭ تەڭدىگى. باسقا شارت بويىنشا قانداي دا ءبىر وداقتىڭ بولۋى مۇمكىن ەمەس. تەڭدىك شارتى ساقتالۋى ءتيىس. ەگەمەندىك پوستۋلاتتارى بەلارۋس ءۇشىن بەرىك بولىپ قالادى» - دەدى لۋكاشەنكو.

ەستەرىڭىزگە سالايىق، بۇعان دەيىن لۋكاشەنكو رەسەيمەن ورتاق ۆاليۋتا ەنگىزۋگە دە دايىن ەكەندىگىن ايتقان. جالپى، ونىڭ سوڭعى ءبىر اپتادا وسىنشالىقتى دەڭگەيدە بەلسەندى بولۋىن ساراپشىلار الدا كەلە جاتقان پرەزيدەنت سايلاۋىمەن بايلانىستىرادى. ولاردىڭ سوزىنشە، لۋكاشەنكو بۇعان دەيىن جاسالعان رەسەي ۇسىنىستارىن ۋاقىتشا قولداۋ ارقىلى سايلاۋ كەزىندە ماسكەۋدەن قارجىلاي جانە وزگە دە رەسۋرستار الۋدىڭ جولىن جاساۋدا.

"The Qazaq Times"