پەرمدىك پروگرامميست الەكساندر وسيپوۆيچ 3D- پرينتەردىڭ كومەگىمەن «تەرميناتور» فانتاستيكالىق فيلمىندەگى ت-800 مودەلدى روبوت جاساپ شىعاردى. ول سويلەسە الادى جانە ۇيرەنە الادى. بۇل تۋرالى naked-science حابارلايدى.
روبوتتىڭ نەگىزى ادامداردىكى سياقتى قاڭقادان، ياعني مەتالل قاڭقادان تۇرادى. وسىنداي روبوتتار فيلمدە ولتىرۋگە ارنالعان ەڭ كەرەكمەت قارۋ رەتىندە كورسەتىلگەن. دەگەنمەن، ا. ءوسيپوۆيچتىڭ ويلاپ تاپقان روبوتى ەشكىمدى مەرت قىلايىن دەپ تۇرعان جوق. ەسەسىنە گيروسكوپ ارقىلى كەز كەلگەن دۇنيەنى انىقتاپ، سۇراقتارعا جاۋاپ بەرە الادى.
فوتو: naked-science
بۇل قالاي جۇزەگە اسادى؟ كەرەكتى اقپاراتتى T-800 عالامتوردان الادى. سونىڭ ەسەبىنەن ءوزىنىڭ «ءبىلىمىن جەتىلدىرە» الادى. «تەرميناتور» باسىن قوزعالتا الادى جانە قازىرگى كەزدە پروگرامميست ونىڭ باسقا «دەنەلەرىن» جاساپ، اياققا تۇرعىزۋدى ويلاستىرىپ، الداعى ۋاقىتتا بار-كۇشىن سالاتىندىعىن جەتكىزگەن. سونداي-اق ول ءوزىنىڭ جاساپ شىعارعان ءادىسىنىڭ از قۇپياسىن اشقان. ماسەلەن، روبوتتىڭ «ميىن» جاساپ شىعارۋ ءۇشىن پروگراممالاۋدىڭ Visual Basic ءتىلىن قولدانعان. ال سۋرەتىنىڭ سىزبانۇسقاسىن 2013 جىلى Google كومپانياسىنان العان. سول جىلدان باستاپ 3D-پرينتەردە روبوتتى شىعارا باستاعان.
الەكساندر ءوسيپوۆيچتىڭ جاساعانى ناعىز «تەرميناتور» بولا المايدى. وسىنىڭ الدىندا توكيو ۋنيۆەرسيتەتىندەگى جاپوندىق عالىمدار تولىققاندى اندرويد جاساپ شىعارۋ ماقساتىندا، بۇلشىق ەتتەرى بار جاڭا جاساندى روبوت ويلاپ تاپقان.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى