فوتو: Tengrinews

پرەزيدەنت نۇرسۇلتان نازارباەۆ: «ەجەلگى ريمدە ۇلتتى ەمەس، ازاماتتىقتى قۇرمەتتەدى» دەپ مالىمدەدى.

قازاقستان قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا ءسوز سويلەگەن نۇرسۇلتان نازارباەۆ: «قازاقستاندا كوپتەگەن ەتنوستار ءومىر سۇرەدى. سول سەبەپتى دە ءبىز بارلىعىمىز وسى ەلدىڭ ازاماتتارىمىز. سىزدەر ەجەلگى ءريمنىڭ تاريحىن جاقسى بىلەتىن شىعارسىزدار. ريمدە ادامنىڭ ۇلتىن ەمەس، ازاماتتىعىن قۇرمەتتەگەن. ءريمنىڭ ازاماتى بولساڭ بولدى. ۇلت جونىندە ەشقانداي ءسوز بولعان جوق. ءارتۇرلى ۇلتتاردىڭ اراسىنان ەلشىلەر مەن يمپەراتورلار سايلاندى. سول سەبەپتى ءبىز – قازاقستاندىقتار، قازاقپىز» - دەدى نازارباەۆ.

ەستەرىڭىزگە سالايىق، وسىدان بىرنەشە جىل بۇرىن بيلىك باسىندا جۇرگەن اتقامىنەرلەر "قازاقستاندىق ۇلت" باستاماسىن كوتەرگەن. ولاردىڭ ۇسىنىسى بويىنشا، قازاقستانداقتار قازاق نەمەسە وزبەك ۇلتى بولىپ بولىنبەيدى. بارلىعىنىڭ تولقۇجاتىنا "قازاقستاندىق" دەگەن ءسوز جازىلادى. بىراق سول ۋاقىتتا "شولاق بەلسىندىلەردىڭ" بۇل باستاماسىنا زيالى قاۋىم وكىلدەرى، جۋرناليستەر قاۋىمى جانە ازاماتتىق بەلسەندىلەر قارسى شىعىپ، "جابۋلى قازان، جابۋلى كۇيىندە" قالعان.

"The Qazaq Times"