قىرعىزستاننىڭ قازاقستاننان باراتىن تاۋىق ەتىنە شەكتەۋ قويۋى زاڭسىز.

قر اۋىل شارۋاشىلىعى مينيسترلىگى ءباسپاسوز قىزمەتى تاراتقان اقپارات بويىنشا، قىرعىزستان تاراپىنىڭ قازاقستاننان باراتىن تاۋىق ەتىنە شەكتەۋ قويۋى زاڭعا قايشى. سەبەبى قىرعىزستانعا تاۋىق ەتىن ەكسپورتتايتىن الماتى وبلىسىندا سوڭعى 10 جىلدا قۇس تۇماۋى دەرتى تىركەلمەگەن. ال سولتۇستىك قازاقستان وبلىسىننىڭ ايىرتاۋ اۋدانىندا نيۋكاسل دەرتىنە قاتىستى ەنگىزىلگەن كارانتين 2018 جىلدىڭ 19 قىركۇيەگىندە الىنىپ تاستالعان.

قازىرگى تاڭدا ءتيىستى حاتتاما قىرعىزستاننىڭ ۆەتەرينارلىق جانە سانيتارلىق قاۋىپسىزدىك جونىندەگى مەملەكەتتىك ينسپەكتسياسىنا جىبەرىلگەن.

ەستەرىڭىزگە سالايىق، بۇعان دەيىن قىرعىزستاننىڭ ۆەتەرينارلىق جانە سانيتارلىق قاۋىپسىزدىك جونىندەگى مەملەكەتتىك ينسپەكتسياسى قازاقستاننان يمپورتتالاتىن تاۋىق ەتىنە ۋاقىتشا شەكتەۋ قويىلعاندىعىن مالىمدەگەن. قىرعىزستان تاراپىنىڭ سوزىنشە، ولاردىڭ بۇنداي قادامعا بارۋىنا قازاقستان اۋماعىندا قۇس تۇماۋى ىندەتىنىڭ جوعارى بولۋى سەبەپ بولعان.

"The Qazaq Times"