قىرعىزستان قازاقستاننان يمپورتتالاتىن تاۋىق ەتىنە ۋاقىتشا شەكتەۋ قويدى. بۇل جونىندە قىرعىزستاننىڭ ۆەتەرينارلىق جانە سانيتارلىق قاۋىپسىزدىك جونىندەگى مەملەكەتتىك ينسپەكتسياسى مالىمدەدى.

مەكەمەنىڭ ءباسپاسوز حاتشىسى راحات سادىربەكوۆانىڭ ايتۋىنشا، بۇعان سەبەپ كورشى ولكەمەن شەكتەسەتىن ايماقتا قۇس تۇماۋى ىندەتىنىڭ جوعارى بولۋى سەبەپ بولعان. وسىعان وراي قازاق تاراپىنا جاعدايدى انىقتاۋ ءۇشىن، رەسمي سۇراۋ جىبەرگەن.

«جاعدايدى تولىق انىقتاۋ ءۇشىن، ۋاقىتشا شەكتەۋ قويىلدى. شەشىم قازاق تارابىنىڭ رەسمي جاۋابىنا بايلانىستى بولماق. ەگەر كورشى ەلدەگى جاعداي سونشالىقتى قاۋىپتى بولماسا، شەكتەۋدى الىپ تاستايمىز»، - دەدى سادىربەكوۆا.

سونىمەن بىرگە سانيتارلىق ينسپەكتسيا الەۋمەتتىك جەلىدە تارالعان قۇس ەتىنەن نيۋكاسل ىندەتى تابىلدى دەگەن اقپارات شىندىققا سايكەس كەلمەيدى دەيدى.

"The Qazaq Times"