قاسىموۆتىڭ وتستاۆكاعا كەتۋىن ءىىم شەشپەيدى

ىشكى ىستەر مينيسترلىگى قالمۇحامبەت قاسىموۆتى وتستاۆكاعا جىبەرۋگە بايلانىستى قوعام پىكىرىنە جاۋاپ بەردى.

ىشكى ىستەر ءمينيسترىنىڭ ورىنباسارى راشيد جاقىپوۆ جۋرناليستەر الدىندا سويلەگەن سوزىندە: «ءمينيستردىڭ وتستاۆكاعا كەتۋ ماسەلەسى جايىندا ايتاتىن بولساق، سىزدەر بۇل ماسەلەنىڭ ىشكى ىستەر مينيسترلىگىنىڭ قۇزىرەتىندە ەمەس ەكەنىن تۇسىنەدى دەپ سەنەمىن. سوندىقتان، مەن بۇل سۇراققا ناقتى جاۋاپ بەرە المايمىن. ءمينيستردىڭ نەلىكتەن ءباسپاسوز ماسليحاتىنا كەلمەگەندىگىن ايتاتىن بولساق، سەبەبى  ول قازىر قىزمەتتىك ءىسساپاردا ءجۇر» - دەپ مالىمدەدى.

ەستەرىڭىزگە سالايىق، شىلدە ايىنىڭ 19-ى كۇنى مانەرلەپ سىرعاناۋشى دەنيس تەنگە جاسالعان شابۋىلدان كەيىن، قوعام بەلسەندىلەرى، ساياساتكەرلەر مەن جۋرناليستەر «ءىىم قالمۇحامبەت قاسىموۆ وتستاۆكاعا كەتسىن» دەگەن باستاما كوتەرگەن. بىراق ءدال سول ۋاقىتتا قاسىموۆ مىرزا دا، ىشكى ىستەر مينيسترلىگى دە قوعام پىكىرىنە ەشقانداي جاۋاپ قاتپاعان.

جالپى، قالمۇحامبەت قاسىموۆ مىرزانىڭ حالىق الدىنداعى بەدەلى جاڭاوزەن وقيعاسىنان كەيىن كۇرت تومەندەگەن. سەبەبى ول جاڭاوزەن وقيعاسى كەزىندە حالىققا قارسى وق اتقان پوليتسيا قىزمەتكەرلەرىنىڭ ارەكەتىنە «تاعى شىقسا، تاعى اتامىز» دەگەن باعا بەرگەن.

“The Qazaq Times”