دەنيس تەندى ءولتىردى دەگەن كۇدىكتى قياسوۆ نۇرالى داۋلەتبەكۇلى

دەنيس تەندى ءولتىردى دەگەن كۇدىكتى ءوز قىلمىسىن مويىندادى.

الماتى قالاسىنىڭ باس پروكۋرورى بەرىك جۇيرىكتاەۆتىڭ مالىمەتىنشە، شىلدە ايىنىڭ 19-ى كۇنى دەنيس تەنگە پىشاق سالعانداردىڭ ءبىرى 1994 جىلى دۇنيەگە كەلگەن جامبىل وبلىسىنىڭ تۋماسى قياسوۆ نۇرالى داۋلەتبەكۇلى. قازىرگى تاڭدا كۇدىكتى ءوز قىلمىسىن مويىنداعان جانە ۋاقىتشا تەرگەۋ يزولياتورىنا قامالعان.

ەستەرىڭىزگە سالايىق، 19 شىلدە كۇنى الماتى قالاسىنىڭ قۇرمانعازى جانە بايسەيىتوۆ كوشەلەرىنىڭ قيىلىسىندا دەنيس تەندى بەلگىسىز ازاماتتار پىشاقتاپ كەتكەن بولاتىن. سالدارىنان وليمپيادا جۇلدەگەرى №12 قالالىق اۋرۋحانادا كوز جۇمعان.

"The Qazaq Times"