احمەتجان ەسىموۆ جاڭا قىزمەتكە تاعايىندالدى

بۇعان دەيىن "استانا ەكسپو-2017" ۇلتتىق كومپانياسىنىڭ باسقارما توراعاسى بولىپ قىزمەت اتقارىپ كەلگەن احمەتجان ەسىموۆ ەندى «سامۇرىق-قازىنا» ۇاق »اق باسقاراتىن بولدى. بۇل تۋرالى پرەمەر-ءمينيستردىڭ رەسمي سايتىندا حابارلاندى.

پرەمەر-مينيستر باقىتجان ساعىنتاەۆ پەن پرەزيدەنت اكىمشىلىگىنىڭ باسشىسى ادىلبەك جاقسىبەكوۆ قوردىڭ قىزمەتكەرلەرىنە جاڭا باسشىنى تانىستىردى.

پرەمەر-مينيستر باقىتجان ساعىنتاەۆ ەسىموۆتىڭ بۇعان دەيىن اتقارعان قىزمەتتەرى تۋرالى ايتىپ، قىسقا مەرزىم ىشىندە «حالىقارالىق ەكسپو-2017» كورمەسىن  تابىستى وتكىزۋدى ۇيىمداستىرعانىن اتاپ ءوتتى.

"مەملەكەت باسشىسىنىڭ تاپسىرماسىمەن قور الدىندا ۇلكەن ماڭىزدى مىندەتتەر مەن ترانسفورماتسيا باعدارلاماسىن ودان ءارى جۇزەگە اسىرۋ جۇمىستارى تۇر", - دەدى ساعىنتاەۆ.

ايتا كەتەيىك، بۇدان بۇرىن "سامۇرىق-قازىنا" ۇك-نى باسقارعان ومىرزاق شوكەەۆ 15 جەلتوقسان كۇنى پرەمەر-ءمينيستردىڭ ورىنباسارى - اۋىل شارۋاشىلىق ءمينيسترى بولىپ تاعايىندالعان.

“The Qazaq Times”