"Самұрық-Қазына" ҰК жаңа басқарма төрағасы Ахметжан Есімов. Фото: Vласть

Бұған дейін "Астана ЭКСПО-2017" Ұлттық компаниясының басқарма төрағасы болып қызмет атқарып келген Ахметжан Есімов енді «Самұрық-Қазына» ҰӘҚ »АҚ басқаратын болды. Бұл туралы Премьер-министрдің ресми сайтында хабарланды.

Премьер-Министр Бақытжан Сағынтаев пен Президент Әкімшілігінің Басшысы Әділбек Жақсыбеков қордың қызметкерлеріне жаңа басшыны таныстырды.

Премьер-министр Бақытжан Сағынтаев Есімовтың бұған дейін атқарған қызметтері туралы айтып, қысқа мерзім ішінде «Халықаралық ЭКСПО-2017» көрмесін  табысты өткізуді ұйымдастырғанын атап өтті.

"Мемлекет басшысының тапсырмасымен қор алдында үлкен маңызды міндеттер мен трансформация бағдарламасын одан әрі жүзеге асыру жұмыстары тұр", - деді Сағынтаев.

Айта кетейік, бұдан бұрын "Самұрық-Қазына" ҰК-ны басқарған Өмірзақ Шөкеев 15 желтоқсан күні Премьер-министрдің орынбасары - Ауыл шаруашылық министрі болып тағайындалған.

“The Qazaq Times”