فەدەرالدى رەزەرۆ جۇيەسىنىڭ بيتكوينعا قاتىستى كوزقاراسى قانداي؟

بيتكوين - قارجىنى جىلىستاتۋ ءۇشىن قولدانىلاتىن وتە قاۋىپتى ەلەكتروندى قارجى اكتيۆى. سوندىقتان  اقش-تىڭ فەدەرالدى رەزەرۆ جۇيەسى كريپيتوۆاليۋتانىڭ بۇل ءتۇرىن رەتتەۋمەن اينالىسپايدى، دەپ مالىمدەدى فرج باسشىسى دجانەت يەللەن. 

"قازىرگى كەزدە حالىقارالىق ەسەپ جۇيەسىنە بيتكويننىڭ ءرولى تومەن. تۇراقسىز تابىس كوزى، زاڭناما بويىنشا رەتتەلىپ وتىرعان جوق جانە سپەكۋلياتيۆتى اكتيۆ. فرج بيتكوين نارىعىن رەتتەۋگە قاتىسقىسى كەلمەيدى", - دەپ مالىمدەگەن يەللەن سارسەنبى كۇنى وتكەن ءباسپاسوز كونفەرەنتسياسىندا.

سونداي-اق، فرج باسشىسى بانكتەرگە قارجىنىڭ جىلىستاۋىنا ىقپال ەتەتىن بيتكوين سياقتى كەز كەلگەن قارجى قۇرالدارىنا قارسى تۋرۋ كەرەكتىگى تۋرالى ەسكەرتۋ جاسادى.

بۇدان بولەك، فرج جەلتوقسان ايىنداعى وتىرىسىنىڭ قورىتىندىسى بويىنشا بازالىق مولشەرلەمەنى 1-1,25 پايىزدان 1,25-1,5 پايىزعا دەيىن كوتەردى. فرج بازالىق مولشەرەمەنى 2017 جىلى وسىمەن ءۇشىنشى رەت كوتەردى.

“The Qazaq Times”