وتكەن جىلى پرەزيدەنت قاسىم-جومارت توقاەۆتىڭ جيەنى قانىش ءىزباستيننىڭ «ىقتيمال اكتيۆتەرى» تۋرالى جازبا جاريالاعان جۋرناليست، بلوگەر ماحامبەت ءابجاندى  9 جىلعا قامالدى.

ۇكىم 3 اقپاندا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وقىلدى.

ابجانعا قىلمىستىق كودەكستىڭ 274-بابى «كورىنەۋ جالعان اقپارات تاراتۋ» – «قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ قاۋپىن توندىرەتىن كورىنەۋ جالعان اقپارات تاراتۋ، بۇقارالىق اقپارات قۇرالدارىن نەمەسە تەلەكوممۋنيكاتسيالار جەلىلەرىن پايدالانا وتىرىپ جاسالعان ءدال سول ءىس-ارەكە، ازاماتقا، ۇيىمعا نەمەسە مەملەكەتكە ءىرى زالال كەلتىرۋگە نەمەسە وزگە دە اۋىر زارداپتارعا اكەپ سوققان ءىس-ارەكەتتەر» بويىنشا ايىپ تاعىلعان.

2022 جىلدىڭ 3 شىلدەسىندە 39 جاستاعى جۋرناليست ءارى بلوگەر ماحامبەت ءابجاندى سىبايلاس جەمقورلىققا قارسى ءىس-قيمىل اگەنتتىگى «ول ءبىر كاسىپكەردەن 50 ميلليون تەڭگە بوپسالادى» دەپ تۇتقىنداعان. ءابجان تاعىلعان ايىپتاردى جوققا شىعارعان. جۋرانليست قاماۋعا الىناردان بۇرىن تەلەگرام-ارناسىندا ءوزىن قارالايتىن جالعان اقپاراتتار تارالىپ جاتقانىن جازعانبولاتىن.

ءابجاننىڭ قامالۋىن كەيبىر ساراپشىلار پرەزيدەنت قاسىم-جومارت توقاەۆتىڭ جيەنىنىڭ كريپتوۆاليۋتا وندىرەتىن فەرماعا قاتىستى «ىقتيمال اكتيۆتەرى» تۋرالى جازبا جاريالاعاندىعىنا بايلاتىستىرادى.