فرانتسيا ەۋروپالىق وداق قۇرامىنداعى ەلدەرگە ورتاق تسيفرلىق ۆاليۋتا شىعارۋدى ۇسىنىپ، Facebook-ءتىڭ Libra كريپتوۆاليۋتاسى وداقتىڭ قارجىلىق جاعدايىنا كەرى اسەر ەتەدى دەپ مالىمدەدى.
The Wall Street Journal باسىلىمىنا فرانتسيا قارجى ءمينيسترى بريۋنو لە مەر: «ءبىز ەو ىشىندە دە، ودان تىس جەرلەردە دە حالىقارالىق ترانزاكتسيالاردىڭ قۇنىن تومەندەتۋدىڭ جانە جىلدامدىعىن ارتتىرۋدىڭ ەڭ جاقسى تاسىلدەرىن زەردەلەۋگە ءتيىستىمىز. سوندىقتان دا مەملەكەتتىك ساندىق ۆاليۋتا قۇرۋ تۋرالى ۇسىنىستى ەۋروتوپتاردىڭ تالقىلاۋىن سۇرايمىز. اتالعان جوبا قازاندا ۋاشينگتوندا وتەتىن حۆق-نىڭ كەلەسى وتىرىسىندا قارالاتىن بولادى»، – دەدى.
«قازىرگى جاعدايدا ءبىز ەۋرووداقتا Facebook شىعارعان Libra كريپتوۆاليۋتاسىن قولدانۋعا تىيىم سالۋىمىز قاجەت. اڭگىمە تۇتىنۋشىلاردىڭ قاۋىپسىزدىگى، ەۋروپالىق قارجىنىڭ تۇراقتىلىعى جانە ەو مەملەكەتتەرىنىڭ ەگەمەندىگى تۋرالى بولىپ وتىر»، – دەدى ول.
ماۋسىمدا Facebook كومپانياسى Libra دەپ اتالاتىن جەكە كريپتوۆاليۋتاسىن شىعاراتىنىن حابارلاعان بولاتىن. كومپانيا وكىلدەرىنىڭ ايتۋىنشا، ساندىق ۆاليۋتانى اۋدارۋ تەلەفونعا ماتىندك حابارلاما جىبەرۋ سىندى وڭاي بولادى. جاڭا ۆاليۋتانىڭ جۇمىس ىستەۋى اقپاراتتى ساقتاۋ قۇرىلعىسى جالپى سەرۆەرگە قوسىلماعان بلوكتىق ورتالىقسىزداندىرىلعان دەرەكتەر بازاسىنىڭ تەحنولوگياسىنا نەگىزدەلمەك.
Reuters اگەنتتىگىنىڭ مالىمەتىنشە، Visa, Mastercard, PayPal جانە Uber-ءدى قوسا العاندا، بىرقاتار ءىرى امەريكالىق كورپوراتسيالار Libra باسقاراتىن كونسورتسيۋم قۇرۋعا $10 ملن جۇمساماق. سونىمەن قاتار، اقش پرەزيدەنتى دونالد ترامپ، ۇلتتىق بانكتەردىڭ بىرقاتار رەسمي وكىلدەرى قارجىلىق وپەراتسيالاردىڭ مۇنداي نىسانى قاۋىپسىزدىككە كەرى ىقپال ەتۋى مۇمكىن دەپ قاۋىپتەنگەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى