الەمدەگى ەڭ ءىرى تەررورلىق ۇيىم الەم ەلدەرىنە ەسكەرتۋ جاسادى. فوتو: South China Morning Post.

«يسلام مەملەكەتى» ۇيىمى عالامتوردا جاڭا پلاكاتتار تاراتىپ، روجدەستۆولىق مەرەكەلەر كەزىندە اقش-تا، ۇلىبريتانيادا جانە فرانتسيادا تەررورلىق شابۋىل جاسايتىندارىن ايتتى. ۇلىبريتانيانىڭ سىرتقى ىستەر مينيسترلىگى تەرروريزمگە قارسى تاراۋلاردىڭ ساقتىقتى كۇشەيتۋىن، سونىمەن بىرگە جۇرتشىلىقتىڭ مەرەكە كەزىندە سەرگەكتىكتى ارتتىرۋىن سۇراپ حابارلاما تاراتتى. بۇل تۋرالى «شينلاڭ» اقپاراتتىق پورتالى جازدى.

ءبىر كۇن بۇرىن سينگاپۋردىڭ «Lianhe Zaobao» باسىلىمى جانە گونكونگتىڭ «Dagong Bao» باسىلىمدارى «يسلام مەملەكەتى» تەررورلىق توبىنىڭ جاقىندا جاريا ەتكەن ماتەريالدارى تۋرالى ايتادى. وندا اقش-تاعى «The New York Times» سكۆەرىندە سانتا-كلاۋس بولىپ جاسانعان ادام كامەراعا «قاۋىپتى»، «جارىلعىش» بەلگىلەرى بار اعاش جاشىكتى كورسەتەدى. سونىمەن بىرگە جازۋ جازىلعان تاقتايشانى كورسەتەدى، وندا «روجدەستۆودا نيۋ-يوركتە كەزدەسەمىز... جاقىندا!» دەگەن ءسوز جازىلعان.

بۇدان بولەك، ۇلىبريتانيا مەن فرانتسياعا جىبەرىلگەن ەكى ماتەريال بار. ونىڭ ءبىرى جۇزىندە قان داعى بار پىشاقپەن پاريجدەگى ەيفەل مۇناراسىن نۇسقايدى.  ال ەندى ءبىرى لوندونداعى Regent Street كوشەسىن فون ەتىپ العان. ەكى ماتەريالدا اعىلشىن، فرانتسۋز جانە نەمىس تىلدەرىندە «بۇل سەندەردىڭ مەرەكەلەرىڭدە بولادى» دەگەن ءسوز جازىلعان.

باق مالىمەتتەرىنە قارايتىن بولساق، «يم» توبى سوڭعى ماتەريالداردى جاريالاعان كەزدە، گەرمانيا پوليتسيا تاراۋلارى كوپتەگەن قالالاردا اۋقىمدى ىزدەستىرۋ مەن رەيد جۇرگىزىپ، باسپانا ىزدەپ جۇرگەن 6 بوسقىندى كۇدىكتى رەتىندە قاماۋعا العان. بۇل التى ادامعا روجدەستۆو كەزىندە تەررورلىق شابۋىل جاساۋدى جوسپارلادى دەگەن كۇدىك تاعىلعانىمەن، دالەل تابىلماعاندىقتان بوساتقان.

“The Qazaq Times”