تۇركيا بيلىگى فەتحۋللاح گۇلەندى ۇرلاپ كەتۋگە ارەكەت ەتكەنىن مويىندامادى

اقش-تا تۇراتىن فەتحۋللاح گۇلەندى ۇرلاپ شىعىپ كەتۋگە ارەكەت ەتتى دەگەن مالىمەتتى انكارا جاق تەرىسكە شىعاردى. ۋاشينگتونداعى تۇركيا ەلشىلىگى جاساعان مالىمدەمەدە «بۇل جاقىنعى جىلدارداعى ەڭ ۇلكەن ساياسي كۇلكىلى ءىس» دەدى. بۇل تۋرالى BBC-ءدىڭ رەسمي سايتى حابارلادى.

تۇركيا بيلىگى فەتحۋللاح گۇلەندى 2016 جىلعى ىسكە اسپاي قالعان اسكەري توڭكەرىستى ۇيىمداستىرۋشى دەپ ايىپتاپ كەلەدى. اقش-تاعى تۇركيا ەلشىلىگىنىڭ مالىمەتىندە: «انكارا جاق فەتحۋللاحتى سوت الدىندا جاۋاپ بەرۋ ءۇشىن اقش-تان تۇركياعا ەكستراديتسيا جاسالۋىن كۇتىپ وتىر»، – دەپ مالىمدەپ، تۇركيا بۇل قادامعا زاڭدى جولمەن جەتۋگە تىرىسىپ وتىرعانىن العا تارتۋدا.

تۇرىك ەلىنىڭ باسشىسى رەجەپ تايىپ ەردوعان گۇلەندى ەكستراديتسيالاۋ ءۇشىن بىرنەشە رەت ارەكەت ەتىپ كورگەن. الايدا، اقش-تىڭ ورتالىق بارلاۋ باسقارماسىنىڭ بۇرىنعى جەتەكشىسى جەيمس ءۋلسيدىڭ بەرگەن مالىمەتىنە قاراعاندا تۇركيا جاق ناۋرىز ايىندا فەتحۋللاح گۇلەندى ۇرلاپ كەتۋدى جوسپارلاعان. پرەزيدەنت ترامپتىڭ قاۋىپسىزدىك جونىندەگى بۇرىنعى كەڭەسشىسى مايلد فلينن وتكەن جىلدىڭ قازان ايىندا تۇركيا ۇكىمەتىنىڭ رەسمي وكىلدەرىمەن گۇلەندى شىعارىپ كەتۋ تۋرالى اقىلداسقان دەپ ايىپتالۋدا. ءتىپتى ولار بۇل وپەراتسيا ءۇشىن 15 ملن اقش دوللارىن اۋدارۋعا كەلىسكەنى تۋرالى مالىمەت بار. دەگەنمەن مايكل فلينن بۇل ايتىلعانداردى تەرىسكە شىعارىپ كەلەدى.

اقش-تىڭ تانىمال باسىلىمى «WSJ» بولسا، مايكل فلين مەن تۇركيا ۇكىمەتىنىڭ وكىلدەرى گۇلەندى جەكەلىك ۇشاق ارقىلى تۇركيانىڭ يمرالى ارالىنداعى تۇرمەگە جەتكىزۋ تۋرالى اقىلداسقان بولۋى مۇمكىن دەگەندى جازادى. اتالعان باسىلىمىنىڭ حابارىنا قاراعاندا، بۇل ءىس رەسەيدىڭ اقش-تاعى پرەزيدەنت سايلاۋىنا ارالاسۋ ءىسىن انىقتاۋ كەزىندە بەلگىلى بولعان.

“The Qazaq Times”