گەرمانيا كانتسلەرى انگەلا مەركەل 24 قاڭتاردا رەسمي ىسساپارمەن تۇركياعا بارادى. بۇل تۋرالى بەرليندەگى بريفينگتە گفر مينيسترلەر كابينەتىنىڭ رەسمي وكىلى شتەففەن زايبەرت حابارلادى.
داۆوستاعى فورۋم اياقتالعاننان كەيىن كانتسلەر ستامبۋلدا ەل پرەزيدەنتى رەجەپ تايىپ ەردوعانمەن بىرقاتار كەلىسسوزدەر جۇرگىزبەك.
مەركەل سونداي-اق نەمىس-تۇرىك ساۋدا پالاتاسىنىڭ شاقىرۋى بويىنشا ىسكەرلىك توپتار وكىلدەرىمەن كەزدەسىپ، ەردوعانمەن بىرگە گەرمان-تۇرىك ۋنيۆەرسيتەتى كامپۋسىنىڭ اشىلۋىنا قاتىسپاق.
بۇعان دەيىن حابارلانعانداي، تۇركيا پرەزيدەنتى الداعى جەكسەنبىدە ليۆياداعى رەتتەۋ ماسەلەلەرى جونىندەگى حالىقارالىق كونفەرەنتسياعا بەرلينگە كەلۋگە نيەتتى. ليۆيادا 2011 جىلى مۋاممار كاددافي ولتىرىلگەننەن كەيىن حاوس بولىپ، ەكى بيلىك ورنادى. ليۆيا قاقتىعىسىن رەتتەۋ ماقساتىندا ۇيىمداستىرىلاتىن كەزدەسۋگە ۇلىبريتانيا، اقش، فرانتسيا، رەسەي، الجير، ەگيپەت، ءباا جانە قىتاي باسشىلارى قاتىسادى.
17 قاڭتاردا تۇركيا پرەزيدەنتى ليۆياعا اسكەر اتتاندىراتىنىن ايتقان بولاتىن. ەردوعان تۇركيانىڭ وڭتۇستىگىندە تۇراقتىلىقتى ساقتاۋ ءۇشىن ساياسي جانە اسكەري كۇشتىڭ بارلىق ءتۇرىن پايدالاناتىنىن ايتىپ، توعىز اي بويىنا ۇرىس قيمىلدارى جالعاسىپ كەلە جاتقان ليۆيا ماسەلەسىنە ارالاسۋىن توقتاتپايتىنىن مالىمدەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟