فوتو: https://www.com.tr

ءسۇريانىڭ يدليب پروۆينتسياسىندا اۋە سوققىسى سالدارىنان 33 تۇرىك ساربازى مەرت بولدى. تۇركيا تارابى قارىمتا شابۋىل جاساۋى مۇمكىن.

وقيعادان كەيىن تۇركيا پرەزيدەنتى رەجەپ تايىپ ەردوعان قورعانىس مينيسترلىگىنىڭ باسشىلارى، سىرتقى ىستەر ءمينيسترى مەن قارۋلى كۇشتەرى باس شتابىنىڭ وكىلدەرىمەن شۇعىل كەڭەس وتىرىسىن وتكىزدى. تۇركيانىڭ سىرتقى ىستەر ءمينيسترى مەۆلۋت چاۆۋشوگلىمەن سويلەسكەن ناتو باس حاتشىسى يەنس ستولتەنبەرگ «ءبىز رەسەيدىڭ ءسۇريا اسكەرىنە قولداۋ كورسەتىپ وتىرانىن جاقسى بىلەمىز جانە كرەملدىڭ بۇل قادامىن قولدامايمىز. الداعى ۋاقىتتا جاعداي ۋشىعىپ كەتپەس ءۇشىن رەسەي شەگىنۋى ءتيىس. ناتو تۇركياعا قولداۋ بىلدىرەدى»، – دەدى.

مالىمەتتەر بويىنشا، ساربازدار سيريا ۇكىمەت كۇشتەرىنىڭ اۋە سوققىسى سالدارىنان كوز جۇمعان. دەگەنمەن جاعدايعا قاتىستى رەسمي داماسك بيلىگى قانداي دا ءبىر اقپارات تارقاتقان جوق. سوڭعى اقپار بويىنشا، تۇرىك بيلىگى قارسى سوققىعا كوشكەن.

اقپاننىڭ وزىندە ءسۇريا ارمياسىنىڭ ارتيللەريالىق شابۋىلدارىنان 12 تۇرىك اسكەرى جانە ءبىر ازاماتى قازا تاپتى. بۇعان جاۋاپ رەتىندە تۇركيا ءسۇريانىڭ 115 ۇكىمەتتىك عيماراتتارىن نىساناعا الىپ، 101 سۇريالىق جاۋىنگەردىڭ كوزىن جويعانىن ايتتى. بۇل ماسەلە توڭىرەگىندە اقش پەن ناتو تۇركياعا قولداۋ ءبىلدىرىپ وتىر.

يدليب – وپپوزيتسيا باقىلاۋىنداعى ءسۇريانىڭ جالعىز ءوڭىرى. وندا داماسك بيلىگىنىڭ رەجيمىمەن ءومىر سۇرگىسى كەلمەيتىن ءسۇريانىڭ باسقا وڭىرلەرىنەن جينالعان 3,5 ملن بوسقىن بار. انكارا ءسۇريا وپپوزيتسياسىنا اسكەري قولداۋ كورسەتەدى، ال رەسەي ۇكىمەت كۇشتەرىن قولدايدى. ءسۇريادا رەسەيلىك اسكەري كونتينگەنت ورنالاسقان. رەسەي ۆكس ۇشاقتارى سۇريالىق اۆياتسياعا كومەكتەسىپ، اسكەري وپەرتسيالار جۇرگىزىپ كەلەدى.

"The Qazaq Times"