ءابىليازوۆ شوديەۆ پەن يبراگيموۆقا قارسى كۋاگەرلىك ەتۋ ارقىلى بەلگيا ازاماتتىعىن الماق

بتا بانكتىڭ ەكس-باسشىسى، قۋعىنداعى وپپوزيتسيالىق ساياساتكەر مۇحتار ءابىليازوۆ قازاقستاندىق بيزنەسمەندەر پاتوح شوديەۆ پەن ءاليجان يبراگيموۆكە قارسى كۋاگەرلىك ەتۋ ارقىلى بەلگيا ازاماتتىعىن الماق - دەپ حابارلايدى «Dispatch Weekly» گازەتى.

باسىلىم مالىمەتىنشە، مۇحتار ءابىليازوۆ وسى ۋاقىتقا دەيىن بەلگيا كوميسسيا پرەزيدەنتى ديرك ۆان دەر ماەلەنمەن قۇپيا كەزدەسۋلەر وتكىزگەن. ءابىليازوۆ اتالمىش كەزدەسۋلەردە بەلگيادا «2011 جىلى بەلگيا قۇزىرلى ورگاندارىنا پارا ۇسىندى» دەگەن ايىپ تاعىلعان قازاقستاندىق بيزنەسمەندەر پاتوح شوديەۆ پەن ءاليجان يبراگيموۆكە قارسى كۋاگەرلىك ەتۋ جايىندا كەلىسسوزدەر جۇرگىزگەن. كەزدەسۋ بارىسىندا ءابىليازوۆ ديرك ۆان دەر ماەلەنمەن شوديەۆ پەن يبراگيموۆقا قارسى كۋاگەرلىك ەتكەنى ءۇشىن بەلگيا ازاماتتىعىن الۋ جانە قازاقستان، رەسەي، ۋكراينا، ۇلىبريتانيا مەملەكەتتەرىنە ءوزىن ەكستراديتسيالاماۋ جايىندا كەلىسىمگە كەلگەن.

ەستەرىڭىزگە سالايىق، قۋعىنداعى وپپوزيتسيالىق ساياساتكەر مۇحتار ءابىليازوۆ قازىرگى تاڭدا فرانتسيادا تۇرادى. وعان قازاقستان بيلىگى 2005-2009 جىلدار ارالىعىندا بتا بانكتىڭ 6 ميلليارد دوللار قارجىسىن جىمقىردى دەگەن ايىپ تاعىپ، سىرتتاي 20 جىلعا سوتتاعان بولاتىن.

“The Qazaq Times”