2017 جىلدىڭ باسىنان باستاپ 9 اي قورىتىندىسى بويىنشا سالىمشىلاردىڭ شوتتارىنا بولىنگەن تازا ينۆەستيتسيالىق تابىس 462 ملرد تەڭگەدەن اسقان. بۇل تۋرالى بىرىڭعاي جيناقتاۋشى زەينەتاقى قورى مالىمدەدى.

بجزق مالىمەتىنشە، زەينەتاقى اكتيۆتەرى بويىنشا ينۆەستيتسيالىق تابىس قارجى نارىعىنداعى جاعداي مەن قر ۇلتتىق بانكى زەينەتاقى اكتيۆتەرىن ينۆەستيتسيالاعان قارجى قۇرالدارىنىڭ قۇنىنا بايلانىستى. زەينەتاقى اكتيۆتەرى پورتفەلىن باسقارۋ بويىنشا ينۆەستيتسيالىق قىزمەت تۋرالى تولىق اقپارات بجزق-نىڭ رەسمي سايتىنا ورنالاستىرىلعان.

ۇزاقمەرزىمدى كەلەشەكتە تابىستىلىقتىڭ تەڭدەستىرىلگەن دەڭگەيىن قامتاماسىز ەتۋ ماقساتىندا قازاقستان رەسپۋبليكاسىنىڭ ۇلتتىق بانكى ءوز ينۆەستيتسيالىق ستراتەگياسىندا ءتۇرلى قارجى قۇرالدارىنان تۇراتىن ارتاراپتاندىرىلعان ينۆەستيتسيالىق پورتفەل تۇجىرىمداماسىن ۇستانادى.

"2017 جىلعى 1 قازانداعى جاعداي بويىنشا قر ۇب باسقارۋىنداعى بجزق-نىڭ زەينەتاقى اكتيۆتەرى بارلىعى 7 544,70ملرد تەڭگەنى قۇرادى، بۇل كورسەتكىش 6 680,14 ملرد تەڭگەنى قۇراعان جىل باسىمەن سالىستىرعاندا ول 864,56 ملرد. تەڭگەگە كوپ ء(وسىم شامامەن 13%)", - دەلىنگەن ءباسپاسوز حابارلاماسىندا.

بۇل رەتتە بجزق-نىڭ زەينەتاقى اكتيۆتەرىنىڭ ينۆەستيتسيالىق پورتفەلىندەگى بورىشقورلىق قارجى قۇرالدارىن وتەۋگە ورتاشا سارالانعان تابىستىلىق وسى جىلدىڭ 1 قازانىنداعى جاعداي بويىنشا جىلىنا 7,8% قۇراعان.

“The Qazaq Times”