بجزق قارجىلىق كورسەتكىشتەر ەسەبىن جاريالادى

بىرىڭعاي جيناقتاۋشى زەينەتاقى قورى قارجىلىق كورسەتكىشتەرى تۋرالى ەسەپ جاريالاپ، قازاقستان حالقىنىڭ زەينەتاقى جيناعىنداعى كىرىسىن مالىمدەدى.

بجزق ءباسپاسوز قىزمەتى جاريالاعان مالىمەتتەر بويىنشا، 2018 جىلعى قارجىلىق كورسەتكىش 7,8 تريلليون تەڭگە بولعان. ال 2019 جىلعى 1 اقپاننان باستاپ جيناقتالعان زەينەتاقى قاراجاتىنىڭ جالپى سوماسى 12 ايدا 1,6 ترلن تەڭگەگە ارتقان، ياعني 9,4 ترلن تەڭگە. كىرىستەردىڭ نەگىزگى ۇلەسى مىندەتتى زەينەتاقى جارنالارى 66,5 ملرد تەڭگەنى قۇراپ وتىر. بجزق ينۆەستورلارىنىڭ جەكە زەينەتاقى شوتتارىنا ەسەپتەلگەن تازا ينۆەستيتسيالىق كىرىس 2019 جىلدىڭ ءبىرىنشى ايىندا 15,4 ملرد تەڭگە بولعان.

ەسكە سالا كەتەيىك، 2017 جىلدىڭ مامىر ايىندا ءدال وسى بىرىڭعاي جيناقتاۋشى زەينەتاقى قورىنا تيەسىلى 71, 3 ميلليارد تەڭگە ءازىربايجان حالىقارالىق بانكىنە قۇيىلعاندىعى جانە اتالمىش بانكتىڭ بانكروتقا ۇشىراعاندىعى بەلگىلى بولعان. ال 2018 جىلى قازاقستان ۇلتتىق بانكى بىرىڭعاي زەينەتاقى قورىنا تيەسىلى 30 ميلليارد تەڭگە قارجىنى قىتاي جانە ءۇندىستان ەلدەرىنىڭ كومپانيالارىنا سالعانى بەلگىلى بولدى. اتاپ ايتقاندا، ەلىمىزدىڭ باس بانكى Finance Corporation – 7,52 ميلليارد تەڭگە، The Export-Import Bank of China – 6,82 ميلليارد تەڭگە، Export-Import Bank of India – 4,86 ميلليارد تەڭگە، Three Gorges Finance – 3,21 ميلليارد تەڭگە جانە Avi Funding Company Limited –2,27 ميلليارد تەڭگە قارجى قۇيعان. بۇدان بولەك بجزق قارجىسى اقش، برازيليا جانە رەسەي سياقتى مەملەكەتتەردىڭ باعالى قاعازدار نارىعىنا سالىنعان.

"The Qazaq Times"