دەپۋتاتتار مەن اسكەري قىزمەتكەرلەردىڭ جالاقىسى ارتادى

2017 جىلى رەسپۋبليكالىق بيۋدجەت شىعىنى الدىن الا ناقتىلانعان جوسپاردان بولەك تاعى 15,1 ملرد تەڭگەگە ۇلعايادى. سونداي-اق، دەپۋتاتتار مەن اسكەري قىزمەتكەرلەردىڭ جالاقىسىن كوتەرۋ ۇسىنىلىپ وتىر. بۇل تۋرالى قر قارجى ءمينيسترى باقىت سۇلتانوۆ ۇكىمەت وتىرىسىندا مالىمدەدى. 

رەسپۋبليكالىق بيۋدجەتتى ناقتىلاۋ تۋرالى زاڭ جوباسىن تانىستىرۋ كەزىندە ول 2017 جىلى جالپى مەملەكەتتىك شىعىن 11,191 ترلن تەڭگە بولاتىنىن اتاپ ءوتتى. ال بيۋدجەتكە تۇسەتىن ناقتى قارجى كولەمى 9,691 ترلن تەڭگە بولادى نەمەسە ءجىو-ءنىڭ 8,7%-ىن قۇرايدى.

ءمينيستردىڭ سوزىنشە، بيۋدجەت شىعىندارىنىڭ وزگەرۋى ەكى باعىتتا جۇرەدى.

"بىرىنشىدەن، پرەزيدەنتتىڭ باستامالارى مەن تاپسىرمالارىن جانە حالىقارالىق مىندەتتەردى ىسكە اسىرۋعا 89,4 ميلليارد تەڭگە بولىنەدى. بۇل ۇكىمەت قورى مەن كىرىستى ارتتىرۋ ەسەبىنەن بولادى. اسكەريلەر، ىشكى ىستەر ورگاندارىنىڭ قىزمەتكەرلەرى مەن دەپۋتاتتاردىڭ جالاقىسىن ارتتىرۋعا 33,1 ميلليارد تەڭگە قاراستىرىلعان", - دەدى سۇلتانوۆ.

ايتا كەتەيىك،  بۇدان بۇرىن باق-دا بەلگىلى بولعانداي، 2017 جىلى 1 ناۋرىزدان باستاپ  كەيبىر دەرەكتەر بويىنشا، قازاقستاندىق دەپۋتاتتاردىڭ جالاقىسى،30%-دان 50%-عا دەيىن كوتەرىلگەن.

“The Qazaq Times”