پورتۋگالياداعى ورمان ءورتىن تىزگىندەۋگە جەرگىلىكتى تۇرعىنداردا اتسالىسۋ. فوتو: BBC.

ەۋروپانىڭ وڭتۇستىك-باتىس وڭىرىندە ورماندا بولعان ورتتەن پورتۋگاليادا 31 ادام، يسپانيادا 3 ادام قازا تاپتى. ونداعان ءورت ءوشىرۋشى جۇمىلدىرىلسا دا ءتىلسىز جاۋدى تىزگىندەي الماي وتىر. بۇل تۋرالى BBC-ءدىڭ ونلاين قىزمەتى حابارلادى.

ءورت شارپىعان ەلدەردىڭ ۇكىمەتتەرى ءورتتىڭ سەبەبىن انىقتاۋعا بار كۇشتەرىن سالۋدا. ازىرگە ءورت سەبەبىنە تالداۋ جاساعان ماماندار ارنايى ءورت قويۋشىلاردىڭ ارەكەتىنەن بولعانىن، ال قاتتى جەل مەن تەمپەراتۋرانىڭ ءورتتى ورشىتە تۇسكەنىن ايتتى.

پورتۋگاليادا ورتتەن جاراقات العاندار سانى 50 ادامنان استى. ولاردىڭ ءبىر ءبولىمىنىڭ جاراقاتى اۋىر. جوعالعاندار اراسىندا بالالار دا ىزدەستىرىلۋدە. يسپانيادا قۇربان ءورت ىشىندە قالعان ءۇش ادامنىڭ مۇردەسى جانىپ كەتكەن كولىك ىشىنەن تابىلعان. قازىر مىڭداعان ءورت سوندىرۋشىلەرگە جەرگىلىكتى تۇرعىندار دا كومەكتەسۋدە. بىراق، قازىرگە ءتىلسىز جاۋ تولىقتاي توقتاتىلماي تۇر.

“The Qazaq Times”