قىتايلىق حاكەرلەر كوروناۆيرۋستىق ۆاكتسينانى جاساۋمەن اينالىساتىن يسپان ورتالىقتارىنىڭ ەكپەگە قاتىستى قۇپيا دەرەكتەرىن قولدى ەتكەن. قىتاي تاراپىنان جاسالعان كيبەرشابۋىل جايلى يسپاندىق El Pais گازەتى حابارلادى.
باسىلىمنىڭ جازۋىنشا، ۇلتتىق بارلاۋ ورتالىعىنىڭ ديرەكتورى پاس ەستەبان ەلدەگى وقشاۋلاۋ رەجيمى كەزىندە حاكەرلىك شابۋىلداردىڭ كوبەيگەنىن ايتتى.بارلاۋ باسشىسى: «دەنساۋلىق ساقتاۋ جانە فارماتسەۆتيكا سالالارىندا مالىمەتتەردى ۇرلاۋ ارتتى. بۇل ماسەلەمەن يسپانيا عانا ەمەس، سovid-19 ۆيرۋسىنا قارسى ۆاكتسينا وندىرەتىن بارلىق زەرتحانالار ۇشىراسۋى عاجاپ ەمەس»، – دەيدى. يسپان بيلىگى بۇل كيبەرشابۋىلدىڭ قىتايدان جاسالعانىن رەسمي تۇردە جاريا ەتتى.
ازىرگە دەرەككوزدەر قانداي اقپاراتتىڭ ۇرلانعانىن ناقتىلاعان جوق. يسپانيانىڭ عىلىمي زەرتتەۋلەر جونىندەگى جوعارعى كەڭەسىنىڭ وكىلى اگەنتتىكتەگى مالىمەتتەر الداعى كۇندەرى بەلگىلى بولادى دەيدى. دەگەنمەن ۆاكتسينا شىعاراتىن باسقا ءۇش ورتالىقتا دا كيبەرشابۋىلدار تۋرالى اقپارات جوق.
قازىر يسپانيادا كوروناۆيرۋس ەكپەسىنە قاتىستى ونداعان جوبا بار. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، قازىرگى ۋاقىتتا الەمدە كوروناۆيرۋسقا قارسى 180-گە جۋىق ۆاكتسينا ازىرلەنىپ جاتىر، ولاردىڭ 35-ءى سىناقتان وتكەن.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟