انتاليانىڭ ماناۆگات اۋدانىندا ءتورت بىردەي اۋماقتان ءورت شىعىپ، 50-دەن استام ادام ءتۇرلى دەڭگەيدە جاراقات الدى. ونىڭ بىرەۋىنىڭ جاعدايى اۋىر.

ءورتتى سوندىرۋگە ون ەكى پروۆينتسيادان 19 تىكۇشاق، 103 ءورت ءسوندىرۋ ماشيناسى، 6 بۋلدوزەر، 1 ۇشاق جانە 412 ءورت ءسوندىرۋشى جۇمىلدىرىلدى. از ۋاقىت ىشىندە ءورت جايىلۋ قاۋپى بار 4 اۋداننىڭ تۇرعىندارى ەۆاكۋاتسيالاندى.

انتالياداعى ورمان ءورتى. فوتو: TRT

شامامەن تۇسكە تامان ماناۆگاتقا جاقىن ورمان ايماعىندا شىققان ءورت ماڭىنداعى ەلدى مەكەندەرگە تارادى. ءورت سالدارىنان كەيبىر ۇيلەردى جالىن شارپىعان، جانۋارلار قىرىلدى. جاعدايدى باقىلاۋ ءۇشىن وڭىرگە اۋىل جانە ورمان شارۋاشىلىعى ءمينيسترى بەكير پاكدەميرلي كەلدى. ەل پرەزيدەنتى رەجەپ تايىپ ەردوعان ورتتەن زارداپ شەككەن اۋدان تۇرعىندارىنا كوڭىل ايتىپ، مينيسترلىككە الەۋمەتتىك كومەك كورسەتۋدى تاپسىردى.

ازىرگە وتتى تولىعىمەن ءسوندىرۋ وڭاي بولماي تۇر. ويتكەنى جەل كۇشەيىپ، ءورتتى ودان سايىن ءورشىتىپ جاتىر.

"The Qazaq Times"