فوتو: Live Journal

يراكتىڭ جوعارعى سوتى كۇردىستان اۆتونومياسىنىڭ تاۋەلسىزدىگى ءۇشىن رەفەرەندۋم ۇيىمداستىرعان باسشىلاردى جاۋاپقا تارتۋ تۋرالى شەشىم شىعاردى. وسىدان ەكى اپتا بۇرىن يراكتاعى كۇردىستان اۆتونومياسى جەكە دارا مەملەكەت بولۋى ءۇشىن جالپىحالىقتىق رەفەرەندۋم وتكىزىپ، باسىم داۋىسپەن جەڭىسكە جەتكەن بولاتىن. ەندى تۇركيا مەن يراننىڭ تاراپىنان تونگەن قاۋىپ پەن ورتالىق بيلىك قىسىمىنا ۇشىراعان اۆتونوميانىڭ باسشىلارىن جازالاۋ شاراسى باستالعانى تۋرالى APF اقپاراتتىق اگەنتتىگى جازدى. 

يراكتىڭ پرەمەر-ءمينيسترى جەتەكشىلىك ەتەتىن ۇلتتىق قاۋىپسىزدىك كەڭەسى كۇردىستانداعى رەفەرەندۋمنىڭ ۇيىمداستىرۋ كوميتەتىنىڭ حەندرەن سالەح باستاعان ەكى مۇشەسىن تۇتقىنداۋ تۋرالى شەشىم قابىلدادى. ولارعا يراكتىڭ كونستيتۋتسياسىنا قايشى كەلەتىن رەفەرەندۋمدى ورتالىق بيلىكتىڭ قارسىلىعىنا قاراماستان وتكىزگەن دەگەن ايىپ تاعىلىپ وتىر.

يراك سونداي-اق، كۇردىستانداعى مۇنايلى اۋدانداردىڭ تابىسىن ەسەپتەپ، ءىرى كەن ورىندارى مونوپوليستەرىن جەمقورلىعى ءۇشىن جاۋاپقا تارتاتىنىن حابارلادى.

“The Qazaq Times”