فوتو: kazpravda.kz

وڭتۇستىك قازاقستان وبلىسىندا 2016-2017 جىلدار ىشىندە جۇرگىزىلگەن تۇگەندەۋ جۇمىستارىنىڭ ناتيجەسىندە 63,8 مىڭ گەكتار جەر اۋدان، قالا اكىمدىگى تاراپىنان مەملەكەت مەنشىگىنە قايتارىلدى. بۇل تۋرالى وڭتۇستىك قازاقستان وبلىستىق جەر قاتىناستارى باسقارماسىنىڭ باسشىسى سوزاقباي ابدىقۇلوۆ ءمالىم ەتتى.

ونىڭ ايتۋىنشا، تۇگەندەۋ جۇمىستارى كەزىندە 5912 جەر پايدالانۋشىنىڭ 241 مىڭ گا جەرى پايدالانىلماي جاتقانى انىقتالعان.

«ەسەپتى كەزەڭدە 63,8 مىڭ گەكتار جەر اۋدان، قالا اكىمدىگى تاراپىنان مەملەكەت مەنشىگىنە قايتارىلسا، 61,1 مىڭ گا جەر قايتا يگەرۋگە كىرىستى. ال 5,24 مىڭ گا جەر يەسىز مۇلىك رەتىندە ەسەپكە قويىلسا، 27,1 مىڭ گا جەر اۋدان اكىمدىگىنىڭ قاراۋىنداعى جەرلەر بولىپ شىققان. سونداي-اق، 83,8 مىڭ گا بولاتىن جەرلەرگە شارا كورۋ ءۇشىن وبلىستىق جەر ينسپەكتسياسى باسقارماسىنىڭ قاراۋىنا ۇسىنىلدى»، - دەدى ابدىقۇلوۆ بۇگىن وقو وڭىرلىك كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

بريفينگتە ءمالىم بولعانداي وبلىستاعى ينۆەستيتسيالىق احۋالدى جاقسارتۋ ماقساتىندا اۋىل شارۋاشىلىعى جەرلەرى كونكۋرس ارقىلى اينالىمعا ەنگىزىلۋدە. ماسەلەن، سوڭعى 3 جىلدا اۋىل شارۋاشىلىق ماقساتىنداعى 53 كونكۋرس ۇيىمداستىرىلعان. ناتيجەسىندە 309 مىڭ گا جەر ۋچاسكەلەرى جالعا بەرىلدى، ال بيىلعى جىلى 73,8 مىڭ گا جەر اينالىمعا قوسىلىپ وتىر.

ايتا كەتەيىك، وڭىردە اۋىل شارۋاشىلىعى باعىتىنداعى 6815,7 مىڭ گا جەرلەر بولسا، ونىڭ ىشىندە 911,4 مىڭ گا ەگىستىك جەر، 5635,8 مىڭ گا جايىلىمدىق، 84,5 مىڭ گا شابىندىق، ال كوپ جىلدىق ەكپەلەر (باۋلار) 29 مىڭ گەكتاردى قۇراپ وتىر.

“The Qazaq Times”