كەز كەلگەن ەلگە جارتى ساعاتتا جەتۋگە مۇمكىندىك بەرەتىن زىمىران شىعارىلادى

اقش-تىڭ عارىش زەرتتەۋ كاسىپورنى سانالاتىن SpaceX كومپانياسى 2022 جىلعا قاراي 240 ادامدىق زىمىراندى جاساپ شىعارادى. ونىمەن جولاۋشىلار الىس ارالىققا  ساپارلاي الادى، دەپ جازدى جاپونيانىڭ Nikkei سايتى. 

زىمىران ساعاتىنا 27 مىڭ شاقىرىمعا دەيىن ۇشادى. مالىمەتتەرگە سەنسەك، ۇشقىر كولىك جەر شارىنداعى كەز كەلگەن قالاعا جارتى ساعاتتا ادامداردى جەتكىزىپ قويادى ەكەن. ءبىر قىزىعى، جۇيرىك كولىككە ادامدار كەڭىستىكتى كورۋ ءۇشىن دە، شەتەلدەرگە ساپارلاۋ ءۇشىن دە مىنە الادى. باعاسى قازىرشە بەلگىسىز.

جاڭالىقتى جاساۋشى كومپانيانىڭ ەڭ جوعارى لاۋازىمدى اتقارۋشىسى يلون ماسكتىڭ ايتۋىنشا، بولاشاقتا ادامزاتتىڭ قازىر پايدالانىپ  وتىرعان ونىمدەردىڭ بارلىعى ءىرى زىمىراندار وندىرىسىنە قاراي داميدى ەكەن.

مىسالى نيۋ يورك پەن شانحايدىڭ اراسى 12 مىڭ شاقىرىم.  وسى ەكى قالانىڭ اراسىنا قازىرگى كەزدە ادامدار ۇشاققا وتىرىپ 15 ساعات ۇشادى. ال ەگەر Space X زىمىرانىمەن جولعا شىققان كىسى 39 مينۋتتا ءبىر ەلدەن ەكىنشى ەلگە جەتە الادى ەكەن.

ادىلەت احمەتۇلى

“The Qazaq Times”