امەريكا قۇراما شتاتتارى دىبىس جىلدامدىعىنان بەس ەسە تەز ۇشا الاتىن گيپەرسونيالىق قارۋدى سىناقتان ءساتتى وتكىزگەنىن حابارلادى جانە بۇنى «تاريحي جەتىستىك» دەپ باعالاعان.
سىناق تۋرالى پەنتاگون جانىنداعى قورعانىستىق جەتىلدىرىلگەن عىلىمي جوبالار اگەنتتىگى (Defense Advanced Research Projects Agency/DARPA) دۇيسەنبىگى كۇنى حابارلادى. مالىمەتكە سايكەس اتالعان اگەنتتىك وتكەن اپتادا اقش اسكەري-اۋە كۇشتەرىمەن بىرلەسە وتىرىپ اۋەدە ۇشىرىلاتىن گيپەرسونيكالىق قارۋدىڭ (HAWC) ۇشۋ سىناعىن ءساتتى اياقتاعان. حابارلامادا ايتىلۋىنشا، Raytheon كومپانياسى وندىرگەن گيپەرزوندى كرۋيزدىك زىمىرانى اسكەري ۇشاقتان اتىلعان جانە كومىرسۋتەكتى قوزعالتقىش وتىنمەن نەبارى بىرنەشە سەكۋنت ىشىندە ەڭ جوعارى جىلدامدىققا جەتە العان.
ەگەر بۇل تۇردەگى زىمىران ءتۇرى اۋە كۇشتەرىنە قولدانۋعا بەرىلسە ول جاۋ رادارلارىنىڭ باقىلاۋىن جانە انتي-زىمىران جۇيەسىنىڭ توسقاۋىلىنان وتە الادى. بۇنداي جىلدامدىققا يە زىمىران جارىلعىش وقتۇمسىقتارى بولماعان كۇننىڭ وزىندە نىسانالاردى كۇيرەتۋگە قابىلەتتى بولىپ كەلەدى.
بۇنداي جوعارى جىلدامدىققا يە اۋە قارۋىن سىناۋدا بارلىق تەست سىناقتارى جوعارى ناتيجە كورسەتكەنىن DARPA مەن پەنتاگون ماقتانا حابارلاپ وتىر. ۇزاق جىلدان بەرى اقش قورعانىس مينيسترلىگى مەن قورعانىس ونەركاسىبى گيپەرسونيكالىق قارۋدى زەرتتەۋ مەن ازىرلەۋ جوباسىن بىرلەسىپ جۇرگىزىپ كەلگەن. قۇراما شتاتتاردىڭ ۇكىمەتى قورعانىس ونەركاسىبىندە، جاڭا قارۋ-جاراقتى وندىرۋدە جەكە كومپانيالارمەن دە ىنتىماقتاستىق جاساپ كەلەدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى