قوعام قاراجاتتى زاڭداستىرۋ كەزىندە قانشا قارجى وفشوردان قايتارىلعانىن جانە ونىڭ قانشا سوماسى جينالعانىن ءبىلۋى كەرەك. ءماجىلىس دەپۋتاتى ازات پەرۋاشەۆ وسىعان قاتىستى مالىمەتتەردى جاريالاۋدى تالاپ ەتتى.
"اق جول" فراكتسياسىنىڭ كوشباسشىسى قر پرەمەر-ءمينيسترى باقىتجان ساعىنتاەۆ پەن قر باس پروكۋرورى جاقىپ اسانوۆقا وسىنداي دەپۋتاتتىق ساۋال جولدادى.
"قوعام زاڭداستىرۋعا قاتىستى ناقتى اقپاراتتى ءبىلۋى ءتيىس دەپ ەسەپتەيمىز. وسىعان بايلانىستى بىزگە وفشورلى ايماقتان قازاقستان ەكونوميكاسىنا قانشا اقشا قايتارىلعانى تۋرالى جانە قۇقىق قورعاۋ ورگاندارىنىڭ ارەكەتى ناتيجەسىندە جينالعان قاراجات جونىندە اقپارات بەرۋلەرىڭىزدى سۇرايمىز. بۇدان بولەك، قازاقستاننان قاراجات الىپ شىعۋعا قانشا رەت ارەكەت جاسالعان؟", - دەدى دەپۋتات.
دەپۋتاتتىڭ سوزىنشە، ەرەجە بويىنشا زاڭسىز شىعارىلعان قارجى جەمقورلىق بولىپ ەسەپتەلەدى.
"مىسالى مەملەكەتتىك كومپانيا مەديتسينالىق قۇرىلعىنى ساتىپ الۋعا مارشالل ارالدارى ارقىلى تولەم جاساپ، ءتورت ەسە كوپ قارجى جۇمسايدى. بۇل جونىندە ەسەپ كوميتەتى مالىمەتتەرىنىڭ بىرىندە كەلتىرىلگەن. مۇنداي قارجىلار قازاقستان ەكونوميكاسى ءۇشىن جوققا ءتان. نە جۇمىس ورىندارى قۇرىلمايدى، نە ينۆەستيتسيالانىپ، ءونىم شىعارىلمايدى. شىعىندار ەلدىڭ جىلدىق جالپى ىشكى ونىمىنە كەرى اسەر ەتەدى", - دەدى ول.
سونداي-اق، ول 2016 جىلى باس پروكۋراتۋرانىڭ "10 جىل ىشىندە ەلدەن 100 ملرد دوللار شىعارىلعان" دەپ مالىمدەگەنىن ەسكە سالدى.
"ۇلتتىق بانكتىڭ مالىمەتىنشە، شەتكە كەتكەن تىكەلەي ينۆەستيتسيالاردىڭ جالپى كولەمى شامامەن 113 ملرد دوللاردى قۇرايدى، باق مالىمەتىنشە ونىڭ 58 ملرد دوللارى وفشورعا كەتكەن. بۇلاردىڭ بارلىعى رەسمي اۋدارىمدار. ال كولەڭكەدە قالعان قارجى تۋرالى تەك بولجاپ بىلۋگە بولادى", - دەدى ول.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى