فوتو: https://qazaquni.kz

«اق جول» پارتياسىنىڭ پلەنۋمى پرەزيدەنت سايلاۋىنا ۇمىتكەر تاڭداي المادى. بۇل تۋرالى پارتيانىڭ ءباسپاسوز قىزمەتى حابارلادى.

مالىمەتتەر بويىنشا، تۇركىستان، ماڭعىستاۋ، الماتى وبلىستارىنىڭ جانە الماتى، نۇر-سۇلتان قالالارىنىڭ وكىلدەرى پارتيا توراعاسى ازات پەرۋاشەۆقا قولداۋ بىلدىرگەن. پەرۋاشەۆتىڭ ءوزى پارتيانىڭ كوشباسشىلىق بازاسىن كەڭەيتىپ، وزگە دە ۇمىتكەرلەردىڭ سايلاۋعا تۇسۋىنە قولداۋ ءبىلدىرۋ كەرەكتىگىن ايتتى.

پارتيا مۇشەلەرى ۇمىتكەرلەردى تالقىلاۋ ماسەلەسىن سەزدىڭ شەشىمىنە قالدىردى. ال پارتيا سەزى ناقتى شەشىمدى 24 ساۋىردە قابىلدايدى.

ەسكە سالا كەتەيىك، 9 ساۋىردە مەملەكەت باسشىسى قاسىم-جومارت توقاەۆ قازاقستان حالقىنا ۇندەۋ جولداعان بولاتىن. ۇندەۋدە ول كەزەكتەن تىس پرەزيدەنت سايلاۋى 2019 جىلدىڭ 9 ماۋسىمدا وتەتىندىگىن مالىمدەدى.

"The Qazaq Times"