قىرعىزستان پرەزيدەنتى المازبەك اتامباەۆ بۇۇ-نىڭ باس اسسامبلەياسىندا قىرعىز حالقىنا ارناپ ءسوز سويلەدى.

ول وندا: «قادىرمەندى مەنىڭ قىرعىز ەلىم، قۇرمەتتى وتانداستارىم. ءسوز سوڭىندا مەن سىزدەرگە ءبىر ءوتىنىش ايتقىم كەلەدى. ءبىز سان عاسىرلار بويى ىزدەگەن جولىمىزدى ەندى تاپتىق. بىرنەشە كۇننەن كەيىن قىرعىزدار ءوزىنىڭ كوشباسشىسىن سايلايدى. سول كەزدە وليگارحتار مەن وزگە ەلدىڭ باسشىلارىنىڭ سوزىنە ەرىپ ءوز جولىمىزدان اداسىپ قالمايىق» - دەگەن.

ەستەرىڭىزگە سالايىق، بۇعان دەيىن قىرعىزستان ءسىم قازاقستانعا نوتا جىبەرگەن بولاتىن. وعان سەبەپ نۇرسۇلتان نازارباەۆتىڭ قىرعىز پرەزيدەنتتىگىنە ۇمىتكەر «رەسپۋبليكا – اتا جۇرت» فراكتسياسىنىڭ جەتەكشىسى ومىربەك بابانوۆپەن كەزدەسۋى. رەسمي بىشەكەتىڭ سوزىنشە، نازارباەۆتىڭ بابانوۆپەن كەزدەسۋى قىرعىزستاننىڭ ىشكى ىستەرىنە ارالاسۋ.

“The Qazaq Times”