قازاقستان ەكونوميكاسى 4,3%-عا ءوستى

"شىلدە ايىندا ەكونوميكالىق ءوسىم باسەڭدەگەنمەن، الدىن الا مالىمەتتەر بويىنشا 8 ايدا  4,3%-عا جوعارىلاعان. سىرتقى ساۋدا كولەمى 3 ەسەگە دەيىن ءوستى، ينفلياتسيا باسەڭدەپ، بولجالدى دالىزدە تۇر", - دەدى ۆيتسە-مينيستر ۇكىمەت وتىرىسىندا.

ونىڭ سوزىنشە، ەكونوميكالىق ءوسىم نەگىزگى ءتورت سالادا بايقالىپ وتىر. مىسالى تاۋ-كەن ونەركاسىبىنىڭ 11,3%-عا جانە وڭدەۋدىڭ 6,1%-عا ءوسۋى ەسەبىنەن ونەركاسىپ 8,5%-عا ارتقان. بۇل سوڭعى التى جىلداعى ەڭ جوعارعى كورسەتكىش. ءوسىمنىڭ تومەندەۋى قۇرىلىس جانە اۋىل شارۋاشىلىعىندا بايقالدى. ويتكەنى اۋىل شارۋاشىلىعى ماۋسىم ايىنان بەرى 3,1%-دان 1,9% -عا دەيىن، قۇرىلىس قارقىنى شىلدەدە 0,7% -دان 0,1% -عا دەيىن باسەڭدەپ كەتكەن.

سونداي-اق، مينيسترلىك وكىلىنىڭ سوزىنە سەنسەك، تامىز ايىندا ينفلياتسيا  7%-دى قۇراعان جانە بولجالدى دالىزدە تۇر. ال جۇمىسسىزدار سانى 4,9% دەڭگەيىندە ساقتالعان.

ايتا كەتەيىك، ينفلياتسيا، ءجىو، جۇمىسسىزدىق تۋرالى مينيسترلىكتىڭ ەسەبى رەسمي ستاتيستيكالىق مالىمەت. الايدا، كۇندەلىكتى ازىق-تۇلىك باعاسى مەن بەنزيننىڭ قىمباتتاۋى جانە ۆاليۋتا نارىعىنداعى جاعدايلار بۇل "قۇرعاق" ەسەپتى جوققا شىعارادى.

“The Qazaq Times”