فوتو: sez.kz

قازاقستاننىڭ بانك سەكتورى 203,9 ملرد تەڭگە شىعىنعا ۇشىرادى. ءبىر اي بۇرىن تابىس كولەمى 204,0 ملرد تەڭگە بولعان. وسىلايشا ءبىر بانكتىڭ شىعىنى باسقا نارىققا قاتىسۋشىلاردىڭ جالپى تابىسىنان ەكى ەسەگە جوعارى بولىپ وتىر. سوڭعى رەت بانكتەردىڭ قاڭتار-شىلدە ايىنداعى شىعىنى 2012 جىلى تىركەلىپ، 1,3 ترلن تەڭگە بولعان. بۇل تۋرالى ranking.kz ساراپتاما اگەنتتىگى حابارلادى.

ال 2016 جىلدىڭ شىلدە ايىنداعى ەسەپ بويىنشا تابىس 243 ملرد تەڭگە بولعان جانە بۇل 2010 جىلدان كەيىن تىركەلگەن ەڭ جوعارعى كورسەتكىش.

سونىمەن 2017 جىلدىڭ قاڭتار-شىلدە ايىندا 33 ەكىنشى دەڭگەيلى بانكتىڭ  5-ەۋى شىعىن بولعان. ال وتكەن جىلى 35 بانكتىڭ 3-ەۋى كەرى ناتيجە كورسەتكەن.

تابىسقا يە بولعان بانكتەردىڭ اراسىندا ءبىرىنشى ورىندا حالىق بانك تۇر. قارجى ينستيتۋتىنىڭ تابىسى - 88,3 ملرد تەڭگە بولدى جانە وتكەن جىلعا قاراعاندا 26,0%-عا جوعارى. Kaspi Bank 26,7 ملرد تەڭگە تابىسپەن ەكىنشى ورىندا. تابىس وتكەن جىلعا قاراعاندا 83,8%-عا جوعارى. ال ءۇشىنشى ورىنعا 14,6 ملرد تەڭگە تابىسپەن تۇرعىن ءۇي قۇرىلىس جيناق بانكى جايعاسقان.

جالپى قر بانكتەرىنىڭ جالپى كورسەتكىشىنە Qazkom (405 ملرد تەڭگە) شىعىندارى ايتارلىقتاي اسەر ەتكەن. ەۋرازيالىق بانك، Delta, Capital جانە قازاقستانداعى پاكىستان ۇلتتىق بانكىنىڭ جالپى شىعىنى 15,6 ملرد تەڭگە.

وسىلايشا ەكىنشى دەڭگەيلى بانكتەردىڭ شىعىنى جالپى تابىس كولەمىنەن 165,8 ملرد تەڭگەگە ارتىق بولىپ وتىر. تابىس سالىعىنا كەتكەن شىعىندار 38,1 ملرد تەڭگە بولدى.

ايتا كەتەيىك، قر ۇلتتىق بانكى شىلدە ايىندا قازاقستانداعى ءىرى بانكتەردى قولداۋ باعدارلاماسىنىڭ باستالعانى تۋرالى حابارلاعان. باعدارلاماعا 500 ملرد تەڭگە جۇمسالۋى مۇمكىن جانە ول بانكتەردىڭ جيىنتىق كاپيتالى 1 ترلن تەڭگەگە جەتكەنشە 15 جىلعا سوزىلادى.

دەگەنمەن  اي سايىن شىعىنعا ۇشىراپ وتىرعان بانكتەردى ساۋىقتىرۋ تۋرالى ۇلتتىق بانكتىڭ بۇل شەشىمى اسا دۇرىس ەمەس. ويتكەنى بانكتەر مەملەكەت بيۋدجەتىنە سەنىپ، قاراجاتتى تەك "جەلگە شاشۋى" مۇمكىن.

“The Qazaq Times”