فوتو: QT

بيىل الاش پارتياسىنىڭ قۇرىلعانىنا 100 جىل. قازاق دەپ ىستىق قانى مەن ماڭداي تەرىن، اقىل-پاراساتىن ارناپ وتكەن الاش ارىستارىنىڭ تويى ەكسپو قاربالاسىمەن كولەڭكەدە قالىپ قويعانى ءبارىمىزدى قىنجىلتاتىن جاعداي ەدى. الايدا وسىعان وراي ايتۋلى شارا 9 قىركۇيەك كۇنى وقو وتىرار  اۋدانىندا دابىرالى تۇردە تويلانىپ ءوتتى.

ۇيىمداسترۋشىلار كەش قوناقتارىن القادى فوتو: QT

الاش پارتياسىنىڭ 100 جىلدىعى اياسىندا، وتىرار اۋدانى اكىمدىگى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «الاش» عىلىمي زەرتتەۋ ينستيتۋتى ۇيىمداستىرىپ وتىرعان رەسپۋبليكالىق عىلىمي-تاجيربيەلىك كونفەرەنتسيا «الاش اۆتونومياسى – ۇلتتىق تاۋەلسىزدىكتىڭ نەگىزى» دەگەن اتپەن اتالىپ وتىراردا  شىمىلدىعىن اشتى.

تۇرسىن جۇرتباي بايانداما جاسادى فوتو: QT

ايتۋلى شارا ەلدەگى كاسىپكەر ازامات «Otyrar Group» جشس ديرەكتورى ءابدىماجيت سىزدىقبەكوۆتىڭ قارجىلاي قولداۋ كورسەتۋىمەن ءوتىپ جاتقانى ءبارىمىزدى قۋانتتى. قۇرمەتتى قوناقتاردى اۋدان اكىمى ەرلان ايتاحانوۆ باستاعان وتىرىرلىقتار كۇتىپ الدى.

شارانى ۇيىمداسترۋشى ءابدىماجيت سىزدىقبەكوۆ فوتو: QT

الاش رۋحىن ارداقتاعان تويدىڭ باسى قىركۇيەكتىڭ توعىزى كۇنى تاڭەرتەڭ باپتاردىڭ بابى ارىستان بابتىڭ باسىنا جينالىپ، قارا قوي سويىپ، قۇران وقىپ زيارات ەتۋدەن باستالدى. تۇستە اۋداندىق مادەنيەت سارايىنا جينالعان قوناقتار الاش يدەياسىن قايتا ءتىرىلتۋ ماقساتىندا وتەتىن عىلىمي تاجىربيەلىك كونفەرەنتسياعا قاتىناستى.

قوناقتار ارىستان باب كەسەنەسىنىڭ الدىندا فوتو: QT

«الاش اۆتونومياسى – ۇلتتىق تاۋەلسىزدىكتىڭ نەگىزى» اتتى كونفەرەنتسيا قر ۇعا اكادەميگى، ل.ن.گۋميلەۆ اتىنداعى ەۇۋ پرورەكتورى، پروفەسسور ديحان قامىزابەكۇلىنىڭ قۇتتىقتاۋ سوزىمەن باستالدى.

ديحان حامىزابەكۇلى قۇتتىققتاۋ ءسوزىن سويلەدى فوتو: QT

كونفەرەنتسيا بارىسىندا تۇرسىن جۇرتباي،  ساميددين بالابان، ناربەكوۆا بالمارجان، شەرۋباي قۇرمانبايۇلى، ابدۋاقاپ قارا،  قايىربەك سادۋاقاسوۆ، قايىربەك كەمەڭگەر،  سىندى بەلگىلى الاشتانۋشىلار بايانداما جاسادى.

ابدۋاقاپ قارا شارانى ۇيىمداسترۋشىلارعا سيلىعىن تابىستاۋدا فوتو: QT

بۇل كۇندە ۇرپاق ساناسىنان ءۇزىلىپ قالعان كەشەگى  الاش رۋحىن قايتا ءتىرىلتۋ ماقساتىندا ەل بولىپ نە ىستەۋ كەرەكتىگىمىز تۋرالى جان-جاقتى تالقىلاندى.

ناربەكوۆا بالمارجان بايانداما جاساۋدا فوتو: QT

وسى ءبىر كەلەلى ءىستى اتقارۋ بارىسىندا زيالى قاۋىم وكىلدەرى مەن باق وكىلدەرىنىڭ، ۇستازداردىڭ، اتا-انالاردىڭ اتقارار مىندەتى اتاپ كورسەتىلدى.

جازۋشى ءجادي شاكەنۇلى "ەر جانىبەك" قورىنىڭ اتىنان، شارانى ۇيىمداستىرۋشى ءابدىماجيت سىزدىقبەكوۆقا شاپان جاۋىپ، سيلىقتار ۇسىنۋدا. فوتو: QT

الاشتىقتار جايىندا كىتاپتار شىعارۋ، كينو ءتۇسىرۋ تۋراسىندا ءتيىستى ورىندارعا تاپسىرمالار بەرىلدى. الاش كوسەمى ءاليحان بوكەيحانوۆتىڭ اتىنا رەسپۋبليكا كولەمىندە جوعارى وقۋ ورىنىنىڭ اتىن بەرۋ سياقتى كەلەلى ىستەر قاراستىرىلدى.

گالا-كونتسەرتتەن ءبىر كورىنىس فوتو: QT

كونفەرەنتسيادان كەيىن اۋدان ورتالىعىنداعى «جۇلدىز» مەيرامحاناسىندا الاش رۋحىنا باعىشتاپ اس بەرىلدى. كەشكى شارالار بارىسىندا ش.قالداياقوۆ اۋىلىندا ورنالاسقان «الاش» اللەياسىندا وبىلىستىق ونەر جۇلدىزدىرىنىڭ قاتىمسۋىمەن ساحنالىق قويىلىم مەن گالا-كونتسەرت ءوتتى.

كەشكى وتىرار دالاسى فوتو: QT

وسىلايشا، وتىرار توپىراعىندا التى الاشقا جار سالعان «الاش» تويى پرەزيدەنتتىڭ  «رۋحاني جاڭعىرۋ» باعدارلاماسى اياسىندا، بابالار اماناتىن كەلەشەك ۇرپاق ساناسىنا ءسىڭىرۋ نەگىزىندە جالعاسىن تاپتى.  بيىلعى جىلى ەل بولىپ جاپپاي تويلاۋعا ءتيىستى الاش اۆتونومياسىنىڭ 100 جىلدىق تويىنىڭ ازدا بولسا ەل كوڭىلىندەگى  ولقىلىعىن تولتىردى. توي سوڭىندا جينالعان جۇرت «بالام دەگەن جۇرت بولماسا – جۇرتىم دەيتىن بالا قايدان شىقسىن!» - دەپ احمەت بايتۇرسىنۇلى ايتقانداي جۇرتىم دەيتىن ەرلەرىمىز امان بولسىن، ەل ەڭسەسى بيىك بولسىن دەپ تىلەپ، تارقاستى.

“The Qazaq Times”