بيلىككە مۋزىكالىق اسپاپپەن قارسى تۇرعان ازامات

ۆەنەسۋەلادا  ساۋىر ايىنان بەرى جالعاسىپ كەلە جاتقان بيلىككە قارسى حالىقتىق شەرۋلەرگە جاڭا سيپات بەرىپ، مىڭداعان كوتەرىلىسشىلەرىنىڭ سيمۆولىنا اينالعان ازامات - ۋيللي ارتەاگا اباقتىدان بوساتىلدى. بۇل تۋرالى APF اقپاراتتىق اگەنتتىگى جازدى. 

ۋيللي ارتەاگا  جالپىحالىقتىق كوتەرىلىس ءجۇرىپ جاتقان كەزدە، پوليتسيا بەكەتىنىڭ الدىندا تۇرىپ سكريپكادا ويناعانى ءۇشىن، تۇرمەگە جابىلعان بولاتىن. سكريپكا تىلىنە تۋعان ەلىنىڭ ءانۇرانى مەن وزگە دە پاتريوتتىق سارىنداعى اندەرىن سالىپ، ۇكىمەتكە قارسىلىق ءبىلدىرۋدىڭ ەرەكشە فورماسىن تاڭداعان ول، از كۇندە كوتەرىلىسكە شىققانداردىڭ اراسىندا تانىمال بولىپ كەتتى. ەرەكشە سيمۆولعا اينالعان سۋرەتتە ارتەاگا حالىققا قارسى قولدانىلعان  كوزگە جاس كەلتىرەتىن گازدىڭ اسەرىنەن، جانارى جاساۋراپ، سكريپكادا ويناپ تۇر.

جاس مۋزىكانت بيلىكتىڭ تىم ءالسىز، ءارى بولماشى نارسەدەن قورقاتىن كۇيگە تۇسكەنىن ايتادى. ويتكەنى جەرگىلىكتى دەمونسترانتتاردىڭ اراسىندا بەلگىلى بولا باستاعان ارتەاگانى ولار، "زورلىق-زومبىلىقتى ناسيحاتتاۋشى" دەپ ايىپتاعان.

جاستار وركەسترىنىڭ قاتارىندا ونەر كورسەتىپ جۇرگەن جىگىت، قالا كوشەلەرىندەگى نارازى حالىقتىڭ قاتارىنا، بارلىعىمەن بىرگە الاڭعا شىققان مۋزىكانت دوسى پوليتسيا قولىنان قازا تاپقاننان كەيىن قوسىلعان. "سكريپكاداعى ەڭ العاشقى "قارسىلىق گيمنىن" دوسىمنىڭ جەرلەۋ راسىمىندە وينادىم", - دەيدى ول.

“The Qazaq Times”