بيزنەسكە قاجەتتى 800-دەن استام رۇقساتناما جانە ليتسەنزيا قىسقارتىلدى. بۇل تۋرالى «اتامەكەن» ۇكپ ءباسپاسوز قىزمەتى حابارلادى.
«اتامەكەن» قر ۇكپ باسقارما توراعاسىنىڭ ورىنباسارى رۋستام ءجۇرسىنوۆتىڭ سوزىنشە، بيزنەسكە قاتىستى ءبىراز ماسەلەلەر شەشىمىن تاپقان.
«زاڭ شەڭبەرىندە ۇلتتىق پالاتا وڭىرلەردەگى جۇيەلى ماسەلەلەردى جيناقتاۋدا. بۇگىندە 183 ماسەلە بار، ونىڭ 56%ى شەشىمىن تاپتى، 44%-ى – شەشىلۋدە»، – دەدى ءجۇرسىنوۆ.
سونداي-اق، ول ۇلتتىق پالاتاعا 18 623 كاسىپكەر شاعىم تۇسىرگەنىن اتاپ ءوتتى. ولاردىڭ ىشىندە(وتىنىمدەردىڭ 13%-ى) ءجيى كەزدەسەتىنى– سالىق پەن جەر ۋچاسكىسىنە قول جەتىمدىلىك; 10% – ساتىپ الۋلار مەن كاسىپكەرلەر اراسىنداعى داۋلارعا قاتىستى.
«2017 جىلدىڭ ءبىرىنشى توقسانىنداعى مالىمەتكە سايكەس «اتامەكەنگە» 1387 ءوتىنىم ءتۇستى. ايتا كەتەتىن جايت، بۇل وتىنىمدەردىڭ 41%-ى وڭ شەشىلۋدە. ءبىز جازالاۋدى ازايتۋدىڭ ايتارلىقتاي الەۋەتىن كورىپ وتىرمىز. كاسىپكەرلەر قۇقىعىن قورعاۋ بويىنشا ۇلتتىق پالاتامەن قورعالعان مۇددە 81 ملرد تەڭگەنى قۇراپ وتىر»، – دەدى سپيكەر.
باسقارما توراعاسىنىڭ ورىنباسارى «اتامەكەن» بيزنەستى تەكسەرۋ مەن باقىلاۋ فۋنكتسيالارىن 30 پايىزعا قىسقارتۋدى ۇسىنىپ وتىرعانىن ايتتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى