ومىرىنە ريزا قازاقستاندىقتاردىڭ سانى ازايعان

2017 جىلى ءوز ءومىرىن قالىپتى دەڭگەيدە باعالايتىن قازاقستاندىقتاردىڭ ۇلەسى 56,5%-دى قۇراعان. ال وسىدان ەكى جىل بۇرىنعى كورسەتكىش 61,2% دەڭگەيىندە بولعان. 

ستاتيستيكا كوميتەتىنىڭ مالىمەتتەرىنە سۇيەنسەك، ءوز ومىرىنە ريزاشىلىقپەن قارايتىن حالىقتىڭ ۇلەسى  41,7%-دى قۇرايدى. ومىرىنە كوڭىلى تولمايتىنداردىڭ ۇلەسى - 1,6%. ەڭ قىزىعى اۋىلدى جەرلەردە تۇراتىن تۇرعىندار قالالارىقتارعا قاراعاندا وزدەرىن الدەقايدا باقىتتى سەزىنەدى ەكەن. ولاردىڭ كورسەتكىشى - 63,5%، ال قالالىقتاردىڭ ۇلەسى وسى كورسەتكىشتەن 11,1%-عا تومەن بولىپ وتىر.

وزدەرىن كوبىنە باقىتتى سەزىنەتىن قازاقستاندىقتاردىڭ كوپشىلىگى 15-17 جاس (64,4%) جانە 18-28 جاس (61,0%) ارالىعىنداعىلار.

مالامەتكە سەنسەك، تۇرعىنداردىڭ كوپشىلىگى كوبىنە تۇرعىن ۇيگە قاتىستى ماسەلەلەردى ءجيى ايتقان. مىسالى رەسپوندەنتتەردىڭ 52,6%-ى تۇرعىن ءۇي باعاسىنىڭ قىمبات ەكەنىن ايتسا، 34,5%-ى قاراجاتتىڭ جەتكىلىكسىز ەكەنىنە، 29,4%-ى يپوتەكالىق كرەديت مولشەرلەمەسىنىڭ جوعارى بولاتىنىنا توقتالعان.

الا الەۋمەتتىك دەڭگەي بويىنشا رەسپوندەنتتەردىڭ 52,1%-ى وزدەرىنىڭ جاعدايىن قاناعاتتانارلىق دەپ ەسەپتەيدى. ال 2,6%-ى جاعدايىن تومەن دەپ كورسەتسە، 0,3%-ى وزدەرىنىڭ الەۋمەتتىك جاعدايىن جوعارعى دارەجەدە باعالايدى.

سونداي-اق، پىكىر بىلدىرۋشىلەردىڭ 35,2%-ى وزىنە نە قاجەت، سونىڭ ءبارىن ساتىپ الا التىندارىن ايتسا، 31,4%-ى كيىم، تاماق ساتىپ الۋعا قاراجاتتارى جەتكىلىكتى بولعانمەن، تەحنيكا ساتىپ الۋ كەزىندە قاراجاتتان قىسىلاتىندارىن مالىمدەگەن. 3,8%-ى ءتىپتى تاماق ساتىپ الا الماي قالاتىن كەزدەرى بولاتىنىن حابارلاعان.

بولاشاقتاعى جاعدايعا كەلەر بولساق، 40,2% رەسپوندەنت وزدەرىنىڭ كەلەشەگىن قالىپتى بولادى دەپ ەسەپتەيدى. 37,7%-ى ومىرلەرىنىڭ جاقساراتىنىنا سەنسە، 0,3%-ى ءومىر ءسۇرۋ مۇلدە قيىن بولادى دەيدى.

“The Qazaq Times”