الەمدىك نارىقتا قانت تاپشىلىعى ازايۋى مۇمكىن

2017 جىلدىڭ مامىر ايىنا قاراعاندا 2018 جىلى الەمدىك نارىقتا ارتىق قانت كولەمى ەكى-ءۇش ەسەگە كوبەيۋى مۇمكىن. ال بۇل برازيليا، تايلاند جانە ەۋروپالىق وداق ەلدەرىندەگى ءونىمدى شىعارۋ قۋاتىنىڭ ارتۋى ناتيجەسىندە ءوندىرىستىڭ كوبەيۋىمەن بايلانىستى بولادى. مۇنداي بولجامدى اۋستراليالىق Green Pool Commodity Specialists كومپانياسىنىڭ ساراپشىلارى ايتىپ وتىر.

دايىندالعان بايانداماداعى مالىمەتكە سەنسەك، كەلەسى اۋىل شارۋاشىلىق جىلىندا قانت ۇسىنۋ وسىدان ەكى جىل بۇرىن بولعان قانت تاپشىلىعىن جويىپ، سۇرانىستان كوپ بولادى.  وندىرىستىڭ ارتىق كولەمى مامىر ايىندا بولجانعان 5,553 ميلليون تونناعا قاراعاندا 7,142 ميلليون توننانى قۇرايدى جانە بەس جىلداعى ەڭ جوعارعى كورسەتكىشكە جەتەدى.

مىسالى نيۋ-يوركتە قانت شيكىزاتىنىڭ باعاسى 30%-عا ارزانداعان جانە بۇل Bloomberg-ءتىڭ تاۋار يندەكسىندەگى ەڭ ناشار ناتيجە بولعان. Green Pool مالىمەتىنشە، كەلەسى جىلى الەمدىك نارىقتا قانت ءوندىرىسى رەكوردتىق دەڭگەيگە جەتىپ، 191,1 ملن توننا شاماسىندا بولادى. تايلاندتاعى ءوندىرىس 21%-عا كوبەيىپ، 11,9 ملن تونناعا دەيىن جەتەدى. بۇدان بولەك، ساراپشىلاردىڭ سوزىنشە، قانتتىڭ دەنساۋلىققا زيان بولۋىنا بايلانىستى جانە باسقا بالاما تاتتىلەردىڭ كوبەيۋىنە بايلانىستى تۇتىنۋ ازايادى.

ايتا كەتەيىك، قازاقستاندا كۇزگى جيىن-تەرىم ماۋسىمىندا قان تاپشىلىعى كوبەيىپ، باعا اسپانداپ كەتەدى. الايدا ەلدەگى جاۋاپتى مينيسترلىكتەر "بيىلعى جىلى قانت باعاسى قىمباتتامايدى جانە تاپشىلىق بولمايدى" دەپ سەندىرىپ وتىر.

“The Qazaq Times”